متحدہ قومی موومنٹ نے حکومت سندھ کی جانب سے سے مخصوص نشستوں کے انتخابات کیلئے سندھ لوکل گورنمنٹ کے قانون میں کی گئی ترمیم کوچیلنج کردیا ہے
ایم کیوایم کی جانب سے بیرسٹرڈاکٹرفروغ نسیم نے وزیراعلیٰ سندھ سیدقائم علی شاہ، چیف سیکریٹری سندھ اور سیکریٹری لوکل گورنمنٹ کو نوٹس بھجوا دیئے
لوکل گورنمنٹ کے مخصوص نشستوں کے انتخابات کیلئے خفیہ رائے دہی کے بجائے شوآف ہینڈکاطریقہ کار غیرآئینی ہے
پاکستان کے آرٹیکل 226کے تحت تمام انتخابات بشمول لوکل گورنمنٹ کے الیکشن خفیہ رائے دہی کے ذریعے ہی کرائے جانے چاہئیں
کراچی ۔۔۔ 22 جنوری 2016ء
متحدہ قومی موومنٹ نے حکومت سندھ کی جانب سے سے مخصوص نشستوں کے انتخابات کے لئے سندھ لوکل گورنمنٹ کے قانون میں کی گئی ترمیم کوچیلنج کردیا ہے۔ اس سلسلے میں ایم کیوایم کی جانب سے ممتازآئینی وقانونی ماہربیرسٹرڈاکٹرفروغ نسیم نے وزیراعلیٰ سندھ سیدقائم علی شاہ، چیف سیکریٹری سندھ اور سیکریٹری لوکل گورنمنٹ کو نوٹس بھجوائے گئے ہیں جس میں کہاگیاہے کہ آئین پاکستان کے آرٹیکل 226کے تحت تمام انتخابات بشمول لوکل گورنمنٹ کے الیکشن خفیہ رائے دہی کے ذریعے ہی کرائے جانے چاہئیں۔لہٰذا لوکل گورنمنٹ کے مخصوص نشستوں کے انتخابات کے لئے خفیہ رائے دہی کے بجائے شوآف ہینڈکاطریقہ کار غیرآئینی ہے۔