سید سردار احمد کے بھائی مزمل احمد کے انتقال پر ایم کیوایم رابطہ کمیٹی کااظہار تعزیت
مزمل احمد کو ڈی ایچ اے قبرستان میں سپرد خاک کر دیا گیا، مرحوم کا سوئم بعدنمازجمعہ رہائش گاہ پر ہو گا
نماز جنازہ میں رابطہ کمیٹی کے رکن عبدالقادرخانزدہ،ڈاکٹر سلیم دانش ،پروفیسر مطیع الرحمنٰ،گلفراز خٹک ،سی ای سی کے ارکان ،اراکینِ اسمبلی ،ڈیفنس ٹاؤن کے کارکنان وذمہ داران ،مرحوم کے عزیز واقارب سمیت اہل محلہ نے بڑی تعداد میں شرکت کی
کراچی ۔۔۔ 21؍ جنوری 2016 ء
متحدہ قومی موومنٹ کی رابطہ کمیٹی نے سندھ اسمبلی میں ایم کیوایم کے پارلیمانی لیڈر اور سابق چیف سیکریٹری سندھ سید سردار احمد کے بھائی مزمل احمد کے انتقال پردلی افسوس کااظہار کیا ہے ۔ ایک تعزیتی بیان میں رابطہ کمیٹی نے مرحوم کے تمام سوگوار لواحقین سے دلی تعزیت وہمدردی کااظہا رکرتے ہوئے انہیں صبر کی تلقین کی ۔ رابطہ کمیٹی نے دعا کی کہ اللہ تعالیٰ مرحوم کو اپنی جواررحمت میں اعلیٰ مقام عطا فرمائے اور سوگواران کو صبرجمیل عطاکرے۔ (آمین)
دریں اثناء مرحوم کی نماز جنازہ ڈیفنس خیابان اتحاد بلال مسجد میں ادا کی گئی نماز جنازہ میں رابطہ کمیٹی کے رکن عبدالقادرخانزادہ،ڈاکٹر سلیم دانش ،پرفیسر مطیع الرحمنٰ،،گلفراز خٹک ،سی ای سی کے ارکان احمد سلیم صدیقی،طارق جاوید ،حق پر ست اراکینِ اسمبلی ،ڈیفنس ٹاؤن کے کارکنان وذمہ داران ،مرحوم کے عزیز واقارب سمیت اہل محلہ نے بڑی تعداد میں شرکت کی ۔ مرحوم کو آہوں اور سسکیوں کے ساتھ ڈی ایچ اے قبرستان میں سپرد خاک کردیا گیا۔ مرحوم کا فاتحہ سوئم کا اجتماع کل بروز جمعہ ظہر تا عصر ان کی رہائش گاہ پر ہوگا۔