باچا خان یونیورسٹی پر حملے کے سوگ میں ایم کیوایم کا آج کراچی پریس کلب پر ہونے والا احتجاجی مظاہرہ ملتوی کردیا گیا
احتجاجی مظاہرے کی تاریخ کا اعلان بعد میں کیاجائے گا ، اعلامیہ ایم کیوایم
کراچی ۔۔۔ 19؍ جنوری 2016ء
متحدہ قومی موومنٹ کے اراکین سندھ اسمبلی کی جانب سے آج 20 جنوری 2016ء بروز بدھ شام 4 بجے کراچی پریس کلب کے سامنے ہونے والا پرامن احتجاجی مظاہرہ چارسدہ میں باچا خان یونیورسٹی پر حملے کے سوگ میں ملتوی کردیا گیا ہے ۔ایم کیوایم کے اعلامیئے کے مطابق سندھ اسمبلی میں پیپلز پارٹی کی جانب سے قانون ساز ادارے کو اپنے مفادات کے لئے استعمال کرنے اور تمام اپوزیشن جماعتوں کی مخالفت کے باوجود اپنی عددی اکثریت کا غلط استعمال کرتے ہوئے بلدیاتی قانون میں تیسری مرتبہ غیر آئینی، غیر قانونی اور غیر جمہوری ترمیم کے خلاف ہونے والے احتجاجی مظاہرے کی تاریخ کا علان بعد میں کیاجائے گا ۔