قائد تحریک جناب الطاف حسین نے کئی سال قبل پاکستان میں طالبانائزیشن اور داعش کے خطرات سے پوری قوم کو آگاہ کردیا تھا۔ ڈاکٹر سلیم دانش

لندن۔۔16جنوری2016ء

متحدہ قومی موومنٹ کی رابطہ کمیٹی کے رکن اور ایم کیو ایم برطانیہ کے آرگنائزر ڈاکٹر سلیم دانش نے کہا ہے کہ کئی سال قبل قائد تحریک جناب الطاف حسین نے پاکستان میں طالبانائزیشن اور داعش کے خطرات سے پوری قوم کو آگاہ کردیا تھا لیکن بدقسمتی سے نہ صرف قائد تحریک جناب الطاف حسین کے خدشات پر توجہ نہیں دی گئی بلکہ انہیں تنقید کا نشانہ بنایا گیا اور آج طالبان کے بعد بین الاقوامی دہشت گرد تنظیم داعش بھی ملک کے چپے چپے میں پھیل چکی ہے۔یہ بات انہوں نے ایم کیو ایم برطانیہ ٹوٹنگ یونٹ اور ویمبلے یونٹ کے علیحدہ علیحدہ جنرل ورکرز اجلاسوں سے خطاب کرتے ہوئے کہی۔ انہوں نے کہا کہ ملک کی ناعاقبت اندیش لیڈرشپ کی بدولت بین الاقوامی دہشت گرد تنظیم داعش کے کارندے ملک کے اعلیٰ تعلیمی اداروں کے ساتھ ساتھ اہم سرکاری دفاتر میں گھس چکے ہیں جہاں وہ مذہب کے نام پرسادہ لوح عوام کی برین واشنگ کررہے ہیں۔انہوں نے کہا کہ مذہبی انتہا پسندی اور دہشت گردی کی عفریت پر قابو پانے کے لئے ضروری ہے کہ قائد تحریک جناب الطاف حسین کے بتائے گئے حقائق کی روشنی میں ایک مربوط طریقے سے پور ے ملک سے مذہبی دہشت گرد اور ان کے سہولت کاروں کو گرفتار کر کے آئین و قانون کے مطابق کاروائی کی جائے۔اس موقع پر ایم کیو ایم برطانیہ کے جوائنٹ آرگنائزر سہیل خانزادہ ، سیکریٹری جنرل منظور احمد ، اراکین آرگنائزنگ کمیٹی ریحان عباسی ، ہاشم اعظم، شفیق احمد اور شمائیل بھی موجود تھے۔