اتحاد بین المسلمین کو زندہ رکھنے کیلئے ایم کیو ایم ایسے مذہبی اجتماع کا انعقاد کر تی ہے اور کرتی رہے گی،شاہد پاشا ڈپٹی کنونیر ایم کیو ایم رابطہ کمیٹی

حیدرآباد ۔۔۔ 15؍ جنوری 2016ء

حیدرآباد میں ایم کیو ایم کے زیر اہتمام محفل ذکر مصطفی ﷺ کے انعقاد کے موقع پرمتحدہ قومی موومنٹ رابطہ کمیٹی کے ڈپٹی کنونیر شاہدپاشا نے صحافیو ں سے گفتگو کرتے ہوئے کہا کہ اتحاد بین المسلمین کی کاوشیں قائد تحریک جناب الطاف حسین کا طرہ امتیاز ہے۔انہوں نے کہا کہ اتحاد بین المسلمین کو زندہ رکھنے کیلئے ایم کیو ایم ایسے مذہبی اجتماع کا انعقاد کر تی ہے اور کرتی رہے گی۔اس موقع پر ایم کیو ایم کے سینئر رہنما و حق پرست ایم این اے ڈاکٹر خالد مقبول صدیقی نے گفتگو کرتے ہوئے کہا کہ ایم کیو ایم اچھی روایتوں کی پاسبا ن ہے اور یہ اجتماع ان ہی روایتوں کے تسلسل کا حصہ ہے۔انہوں نے مزید کہا کہ ایم کیو ایم کے قائد جناب الطاف حسین کی سیرت اس بات کی عکاسی کرتی ہے کہ انہوں نے ہمیشہ ملک میں مذہبی رواداری کو فروغ دیا ہے۔ اس موقع پر ایم کیو ایم رابطہ کمیٹی کے رکن و حق پرست ایم پی اے عبدالحسیب نے گفتگو کرتے ہوئے کہا کہ قائد تحریک جناب الطاف حسین ایک سچے عاشق رسول ﷺ ہیں ان کی کاوشیں سرکار دوجہاں ﷺ کی تعلیمات عام کرنے پرمبنی ہے۔ انہوں نے کہا کہ ایسی محفلوں کے انعقاد سے معاشرے میں مذہبی رواداری فروغ پاتی ہے اور برائیوں کا خاتمہ ہوتا ہے۔