جناب الطاف حسین نے ڈیڑھ سال قبل ہی پاکستان میں داعش کی موجودگی سے اپنے خطابات و بیانات کے ذریعے حکومت پاکستان کو آگاہ کردیا تھا
داعش کی روک تھام کے لئے ٹھوس اقدامات کرنے کے بجائے حکومت نے دعویٰ کیا کہ پاکستان میں داعش کا کوئی وجود نہیں
ملک میں داعش کے بڑھتی ہوئی کاروائیوں پر ایم کیو ایم لیبر ڈویژن کا اظہارِ تشویش
کراچی ۔۔۔ 14؍ جنوری 2016ء
متحدہ قومی موومنٹ لیبرڈویژن کے انچارج اسد کاظمی نے کہا کہ میں پاکستان میں داعش کے بڑھتی ہوئی کاروائیوں پر تشویش کا اظہار کرتے ہوئے کہا کہ قائد تحریک جناب الطاف حسین نے آج سے تقریباً ڈیڑھ سال قبل ہی داعش کی پاکستان میں موجودگی کے حوالے سے اپنے خطابات و بیانات کے ذریعے حکومت پاکستان کو آگاہ کردیا تھا لیکن حکومت نے اس وقت پاکستان میں داعش کی روک تھام کے لئے ٹھوس اقدامات کرنے کے بجائے قائد تحریک کے بیان کو مسترد کرتے ہوئے یہ دعویٰ کیا کہ پاکستان میں داعش کا کوئی وجود نہیں ہے لیکن ملک میں داعش کی حالیہ پرتشدد کاروائیوں سے ثابت ہوگیا کہ الطاف حسین نے جن خدشات کا اظہار کیا تھا وہ سچ تھیں۔ انہوں نے مزید کہا کہ الطاف حسین پاکستان کے واحد لیڈر ہیں جنہوں نے ہمیشہ قوم کو آنے والے خطرات سے آگاہ کیا ہے لیکن ان کے خطابات اور تصاویر تک پر پابندی عائد کردی گئی ہے جس پر ہم ارباب اختیار و اقتدار سے پرزور مطالبہ کرتے ہیں کہ قائد تحریک جناب الطاف حسین کے خطابات و تصاویر پر عائد پابندی فی الفور ختم کی جائے۔