17 جنوری اتوار کو لال قلعہ گراؤنڈ عزیز آباد میں ایم کیوایم کے جنرل ورکرز کا اجلاس منعقد ہوگا
جنرل ورکرز اجلاس کا انعقاد جناب الطاف حسین کی ہدایت پر کیا جارہا ہے
زونوں اور سیکٹرز کی سطح پر جنرل ورکرز اجلاس میں شرکت کیلئے انتظامات کو حتمی شکل دی جارہی ہے، کارکنان میں زبردست جوش و خروش
کراچی ۔۔۔14جنو ری 2016ء
متحدہ قومی موومنٹ کے قائد جناب الطاف حسین کی ہدایت پر ایم کیوایم کے سندھ بھر کے کارکنان کاایک اجلاس 17جنوری بروز اتوار شام 4:00بجے لال قلعہ گراؤنڈ عزیز آباد میں منعقد ہوگا ۔اجلاس سے جناب الطاف حسین لندن سے اہم اور تاریخی خطاب کریں گے ۔جنرل ورکرز اجلاس میں شرکت کیلئے کراچی سمیت سندھ بھر میں ایم کیوایم کے زونوں اور سیکٹرز کی سطح پر انتظامات کو حتمی شکل دی جارہی ہے جبکہ جنرل ورکرز اجلاس کے حوالے سے کارکنان میں زبردست جوش و خروش پایاجارہا ہے ۔