کراچی کے بنانے سنوارنے کے لئے بلدیاتی نمائندوں کوجن اختیارات کی ضرورت ہے وہ ہم حاصل کرکے دم لینگے،وسیم اختر

کراچی:۔ ۔۔02،جنوری 2016 ء

ایم کیوایم کی جانب سے نامزدحق پرست میئرکراچی وسیم اخترنے کہاہے کہ کراچی کے بنانے سنوارنے کے لئے بلدیاتی نمائندوں کوجن اختیارات کی ضرورت ہے وہ ہم حاصل کرکے دم لینگے۔ان خیالات کا اظہار انہوں نے ڈی سی آرسی کی جانب سے ڈیفنس کے علاقے خیابان مسلم میں ڈی سی آرسی کے رکن انجینئرعادل عسکری کی رہائشگاہ پرمنعقدہ تقریب سے خطاب کے دوران کیا۔تقریب میں ایم کیوایم کے سینئرڈپٹی کنوینرڈاکٹرمحمدفاروق ستار،ارکان رابطہ کمیٹی عارف خان ایڈووکیٹ،ڈاکٹرعبدالقادرخانزادہ ،نامزدنائب میئرکراچی ارشد وہرا، ڈاکٹرز، انجینئرز،پروفیسرز اور مختلف کمپنیوں کے اعلیٰ افسران سمیت خواتین نے بڑی تعدادمیں شرکت کی۔عادل عسکری کی رہائشگاہ پر منعقدہ تقریب سے ایم کیوایم کے قائدجناب الطاف حسین نے انتہائی اہم خطاب کیا۔وسیم اخترنے مہمانان گرامی کی تشریف آواری پران کا شکریہ ادا کرتے ہوئے کہاکہ لوکل گورنمنٹ انتخابات کاایک مرحلہ گذرا جس میں ایم کیوایم کے کارکنان نے تمامتر مشکلات وپریشانیوں اورنامناسب حالات کے باوجود بھرپورکام کیااورکراچی سمیت سندھ کے حق پرست عوام نے ہربارکی طرح اس باربھی قائدتحریک الطاف حسین کا بھرپور ساتھ دیا اورحق پرست نمائنددوں کوبھاری اکثریت سے کامیاب بنوایا۔ انہوں نے کہا کہ فنڈزکی ہمیں پروانہیں،جوہے ہم اس میں ہی کام کریں گے تاہم بلدیاتی نمائندوں کوبااختیاربنانے کے لئے ہماری جدوجہدجاری رہے گی جبکہ عوام کی پاورتوہمارے پاس ہے۔