ایم کیو ایم متوسط طبقے کی واحدنمائندہ جماعت ہے جوخواتین کو ان کا جائز مقام دلانے کے لئے عملی جدوجہد کر رہی ہے

ٹنڈوالہ یار ۔۔۔۔27دسمبر2015

ایم کیو ایم متوسط طبقے کی واحدنمائندہ جماعت ہے جوخواتین کو ان کا جائز مقام دلانے کے لئے عملی جدوجہد کر رہی ہے ماضی کی طرح عوامی طاقت سے ٹنڈوالہ یار میں بھی حق پرستوں کی فتح ہوگی۔ ان خیالات کا اظہار رکن سندھ اسمبلی رعنا انصار نے پیر کالونی اور خانزادہ محلہ میں منعقدہ کارنر میٹنگ سے خطاب کرتے ہوئے کیاانھوں نے مزید کہا کہ 2005کے بلدیاتی الیکشن میں حق پرست نمائندہ کی کاوشوں سے ٹنڈوالہ یار شہر بھر میں کارپٹ روڑبنوائے ۔ ایم کیو ایم سیاست برائے خدمت کرتی ہے ۔ یہی وجہ ہے کہ آج تک ایم کیو ایم کا کوئی بھی عوامی نمائندہ کسی بھی کرپشن میں ملوث نہیں یہ سب قائد تحریک الطاف حسین کی تربیت کا نتیجہ ہے ۔انھوں نے مزید کہا کہ خواتین کا کردار انتہائی اہم ہے 30دسمبر کو پہلی فرصت میں اپنا ووٹ کاسٹ کرکے حق پرست امیدواران کو بھاری اکثریت سے کامیاب کریں ۔ اس موقع پر رکن زونل کمیٹی ڈاکٹر رانا راج سمیت شعبہ خواتین کی ذمہ دار اور خواتین کی بڑی تعداد بھی موجود تھی۔