نیدرلینڈکے سفیرJEALLETTE SEPPENکافرسٹ پولیٹیکل سیکریٹری NANNA STOLZ اوراعزازی قونصل جنرل طارق محمدخان کے ہمراہ ایم کیو ایم کے مرکزنائن زیروکادورہ
ایم کیوایم کی رابطہ کمیٹی کی ڈپٹی کنوینر و سینیٹرنسرین جلیل اورقومی اسمبلی میں ایم کیوایم کے ڈپٹی پارلیمانی لیڈرریحان ہاشمی سے ملاقات
ملاقات میں ملک خصوصاًسندھ اورکراچی کی مجموعی سیاسی صورتحال،حالیہ بلدیاتی انتخابات اورکراچی آپریشن سمیت باہمی دلچسپی کے دیگرامور پر تفصیلی تبادلہ خیال
نسرین جلیل نے وفدکو سندھ شہری علاقوں سمیت کراچی کے بلدیاتی انتخابات میں ایم کیوایم کی کامیابی اور کراچی میں امن امان کے لئے جاری ٹارگٹ آپریشن کے حوالے سے ایم کیوایم کے موقف سے آگاہ کیا
نیدرلینڈکے سفیرکی بلدیاتی انتخابات میں ایم کیوایم کی واضح اکثریت سے کامیابی پرمبارکباد
کراچی:۔۔۔22؍دسمبر2015ء
نیدرلینڈکے سفیرJEALLETTE SEPPENنے فرسٹ پولیٹیکل سیکریٹری NANNA STOLZاوراعزازی قونصل جنرل طارق محمدخان کے ہمراہ ایم کیو ایم کے مرکزنائن زیروکادورہ کیا اورنائن زیروسے متصل خورشیدبیگم سیکریٹریٹ عزیزآبادمیں ایم کیوایم کی رابطہ کمیٹی کی رکن و حق پرست سینیٹرمحترمہ نسرین جلیل اورقومی اسمبلی میں ایم کیوایم کے ڈپٹی پارلیمانی لیڈرریحان ہاشمی سے ملاقات کی۔ملاقات میں ملک خصوصاًسندھ اورکراچی کی سیاسی صورتحال،حالیہ بلدیاتی انتخابات اورکراچی آپریشن سمیت باہمی دلچسپی کے دیگرامور پر تفصیلی تبادلہ خیال کیاگیا۔ اس موقع پرسینیٹرنسرین جلیل اورریحان ہاشمی نے نیدرلینڈکے سفیرکی نائن زیروآمدکاخیرمقدم کرتے ہوئے انہیں خوش آمدیدکہا۔انہوں نے نیدر لینڈ کے سفیر کو سندھ کے دیگرشہروں سمیت کراچی وحیدرآبادکے بلدیاتی انتخابات میں ایم کیوایم کی کامیابی ،کراچی میں امن امان کے لئے جاری ٹارگٹ آپریشن کے حوالے سے ایم کیوایم کے موقف سے آگاہ کیا۔ نیدرلینڈکے سفیرنے قیام امن کے لئے ایم کیوایم کی کوششوں اورکاوشوں کوسراہاتے ہوئے بلدیاتی انتخابات میں ایم کیوایم کی واضح اکثریت سے کامیابی پرمبارکبادپیش کی۔