امریکہ کی ریاست کیلیفورنیاکے علاقے سین برنارڈینو میں بے گناہ شہریوں پر وحشیانہ فائرنگ کے واقعہ پر ایم کیوایم کے قائد الطاف حسین کا صدر بارک اوباما کو تعزیتی خط

لندن ۔۔۔ 3 دسمبر 2015ء

متحدہ قومی موومنٹ کے قائدجناب الطاف حسین نے امریکہ کی ریاست کیلیفورنیاکے علاقے سین برنارڈینو میں بے گناہ شہریوں پر وحشیانہ فائرنگ کے واقعہ پرامریکہ کے صدربارک اوباما کوتعزیتی خط بھیجاہے اوران سے فائرنگ کے واقعہ میں14 افرادکی ہلاکت اور17افرادکے زخمی ہونے پر دلی افسوس کااظہار کیا ہے ۔ اپنے خط میں جناب الطاف حسین نے کہاکہ میں اورمیری جماعت ایم کیوایم اس واقعہ پر جاں بحق ہونے والے افرادکے لواحقین اورامریکہ کے عوام کے غم اورصدمہ میں برابرکے شریک ہیں۔ انہوں نے کہاکہ ہم سمجھتے ہیں کہ اس واقعہ میں ملوث افرادکے ساتھ آہنی ہاتھوں سے نمٹاجاناچاہیے اور انہیں قرار واقعی سزادی جانی چاہیے ۔