ٹنڈو جام شہر کے عوام نے ایم کیوایم مخالفین کو یہ پیغام دیا ہے کہ ٹنڈو جام شہر کل بھی قائد تحریک جناب الطاف حسین کا تھا اور آج بھی قائد تحریک کا ہے۔ شبیر احمد قائمخانی

حیدرآباد۔۔۔16 ،نومبر،2015 ء

متحدہ قومی موومٹ کی رابطہ کمیٹی کے رکن شبیر احمد قائم خانی نے کہا ہے کہ ٹنڈو جام شہر کے عوام نے ایم کیو ایم مخالفین کو یہ پیغام د ے رہا ہے کہ ٹنڈو جام شہر کل بھی قائد تحریک جناب الطاف حسین کا تھا اور آج بھی قائد تحریک کا ہے ۔ان خیالات کا اظہار انہوں نے ٹنڈو جام میں بلدیاتی انتخابات میں امیدواران کی انتخابی مہم اور خدمت خلق فاؤنڈیشن ، ایمبولینس سینٹر کے افتتاح کے حوالے سے منعقدہ تقریبات سے خطاب کر تے ہوئے کیا ۔ ان تقریبات میں ایم کیو ایم سینٹرل ایگزیکٹیو کمیٹی کے رکن سید حیدرعباس رضوی ، ایم کیو ایم حیدرآباد کے جوائنٹ زونل انچارج راشد ممتار و ارکین زونل کمیٹی اور ٹنڈو جام سیکٹرز کے ذمہ داران سمیت علاقے کے معززین اور حق پرست عوام نے بڑی تعداد میں شرکت کی۔انہوں نے مزید کہا کہ قائد تحریک جناب الطاف حسین کے نظریئے کے فروغ میں ٹنڈو جام شہر نے بہت اہم کردار ادا کیا ہے ، ٹنڈو جا م شہر حق پرستوں کا شہر ہے اور اس شہر سے حق پرست نمائندے بھاری اکثریت میں کامیاب ہونگے ۔انہوں نے کہا کہ حق پرست نمائندے صرف عوامی خدمت کے جذبے سے انتخابات میں حصہ لے رہے ہیں اور انہیں کامیا ب بنانا حق پرست عوام کی ذمہ داری ہے ۔ا س موقع پر ایم کیو ایم سینٹرل ایگزیکٹیو کمیٹی کے رکن سیدحیدرعباس رضوی نے خطاب کرتے ہوئے کہا کہ بلدیاتی انتخابات میں ٹنڈو جام شہر سے حق پرستوں کی فتح یقینی ہے کیونکہ یہ شہر قائد تحریک جناب الطاف حسین کے چاہنے والوں کا شہر ہے ۔انہوں نے کہا کہ ٹنڈوجا م کے شہریوں نے قائد تحریک جناب الطاف حسین کو سرخرو کیا اور آگے بھی انکے نامزد امیدواران کو کامیاب بنا کر حق پرستی کا ثبوت دینگے۔تقریبات سے حیدرآباد کے جوائنٹ زونل انچارج راشد ممتاز نے بھی خطاب کیا ۔بعد ازاں رابطہ کمیٹی کے رکن نے خدمت خلق فاؤنڈیشن کے ایمبولینس سینٹرز کا افتتاح بھی کیا ۔

تصاویر