گلستان جوہر کی جھونپڑیوں میں آتشزدگی کے باعث 3افراد کے جاں بحق اورمتعددافراد کے جھلس کر زخمی ہونے پررابطہ کمیٹی کااظہار افسوس

کراچی ۔۔۔29، اکتوبر2015ء 

متحدہ قومی موومنٹ کی رابطہ کمیٹی نے گلستان جوہر بلاک نمبر 2میں جھونپڑیوں میں آتشزدگی کے واقعہ میں 3افراد کے جاں بحق اور متعددافراد کے جھلس کر زخمی ہونے پر گہرے دکھ اور افسوس کااظہار کیا ہے ۔ ایک بیان میں رابطہ کمیٹی نے کہا کہ گلستان جوہر میں ہفتوں تودہ گرنے کے حادثہ میں بھی متعدد افراد ہلاک و زخمی ہوگئے تھے جبکہ یہاں جھونپڑیوں میں آتشزدگی کے واقعات میں قیمتی انسانی جانوں کے ضیاع کے واقعات افسوس ناک ہیں ۔ رابطہ کمیٹی نے کہاکہ حکومت سندھ جھونپڑیوں میں آتشزدگی کے واقعات کی روک تھام کیلئے مثبت اقدامات بروئے کار لائے اور انسانی جانوں کے تحفظ کیلئے ٹھوس منصوبہ بندی کرے ۔ رابطہ کمیٹی نے جاں بحق ہونے والے افراد کے تمام سوگوار لواحقین سے دلی تعزیت وہمدردی کااظہار کرتے ہوئے انہیں صبر کی تلقین کی ۔ر ابطہ کمیٹی نے دعا کی کہ اللہ تعالیٰ جاں بحق افراد کو جواررحمت میں جگہ عطا فرمائے اور سوگواران کوصبرجمیل اور زخمی افراد کو جلد ومکمل صحت یابی عطاکرے ۔