لانڈھی میں حقیقی دہشت گردوں کی جانب سے نامزد حق پرست بلدیاتی امیدواران کو سنگین دھمکیاں دی جارہی ہیں، رابطہ کمیٹی

کراچی ۔۔۔28اکتوبر2015ء

متحدہ قومی موومنٹ کی رابطہ کمیٹی نے لانڈھی کی مختلف یوسیز میں حقیقی دہشت گردوں کی جانب سے نامزد حق پرست بلدیاتی امیدواران اور عوا م کو حراساں کرنے،سنگین نتائج کی دھمکیاں دےئے جانے اور ان پر تشدد کی سخت الفاظ میں مذمت کی ہے ۔ایک مذمتی بیان میں رابطہ کمیٹی نے کہاکہ بلدیاتی شیڈول کے اعلان کے بعد سے لانڈھی میں چےئرمین ، وائس چےئر مین ،جنرل کونسلرکے عہدوں سمیت ہمارے دیگر نامزدبلدیاتی امیدواران کو حقیقی کے غنڈہ عناصر کی جانب سے انکے گھروں پر جاکر حراساں کرنے اور انہیں ایم کیوا یم کی بلدیاتی نامزدگی سے دستبردار ہونے کیلئے سنگین نتائج کی دھمکیاں دی جارہی ہیں جبکہ اس کے ساتھ ساتھ ایم کیوا یم کی عوامی رابطہ مہم میں شریک ہونیوالے حق پرست عوام کو بھی نہ صرف حراساں کیا جارہاہے بلکہ ان پر تشدد اور گھروں میں توڑ پھوڑ کاسلسلہ بھی معمول کی بات بن چکاہے ۔انہوں نے کہاکہ اس قسم کے اوچھے ہتھکنڈے نہ صرف بلدیاتی انتخابات کو مشکوک بنانے کیلئے کئے جارہے ہیں بلکہ یہ طریقۂ کارایم کیوا یم کی سیاسی ساکھ کو کمزور کرنے کی بھی سازش ہے۔رابطہ کمیٹی نے وزیر اعظم پاکستان میاں محمد نواز شریف، وفاقی وزیر داخلہ چوہدری نثار علی خان ، وزیر اعلیٰ سندھ اور صوبائی وزیر داخلہ سے مطالبہ کیا ہے کہ وہ لانڈھی سے نامزدحق پرست امیدواران کو حقیقی دہشت گردوں کی جانب سے سنگین نتائج کی دھمکیوں کا فوری نوٹس لیکر ملوث عناصر کے خلاف کارروائی کریں اور حق پرست بلدیاتی امیدواران اور لانڈھی کے عوام کو جان و مال کا تحفظ فراہم کرنے کیلئے اقدامات کریں ۔