متحدہ قومی موومنٹ کے زیراہتمام ڈاکٹرعمران فاروق شہیدکی پانچویں برسی انتہائی عقیدت واحترام سے منائی گئی

کراچی:۔۔۔16، ستمبر2015ء 

متحدہ قومی موومنٹ کے زیراہتمام ایم کیوایم کے سابق کنوینرشہیدانقلاب ڈاکٹرعمران فاروق شہیدکی پانچویں برسی انتہائی عقیدت واحترام کے ساتھ منائی گئی ۔اس سلسلے میں گلگت بلتستان اورآزاد کشمیر سمیت ملک بھرمیں قائم ایم کیوایم کے صوبائی،ضلعی اورزونل دفاترمیں برسی کے اجتماعات منعقدکیے گئے جس میں مقامی ذمہ داران وکارکنان نے بڑی تعدادمیں شرکت کی اور شہید انقلاب ڈاکٹرعمران فاروق شہید کی روح کے ایصال ثواب کے لئے قرآن خوانی وفاتحہ خوانی کی گئی اور شہیدکوزبردست خراج عقیدت پیش کیاگیا ۔ عمران فاروق شہید کی پانچویں برسی کامرکزی اجتماع ایم کیوایم کے قائدجناب الطاف حسین کی رہائشگاہ المعروف نائن زیروسے متصل لال قلعہ گراؤنڈعزیزآبادمیں منعقد کیا گیاجس میں ڈاکٹر عمران فاروق شہیدکے عزیزرشتہ داروں سمیت رابطہ کمیٹی ارکان ،مستعفی حق پرست اراکین سینیٹ،قومی وصوبائی اسمبلی،ایم کیوایم کے مرکزی شعبہ جات کے ارکان،علاقائی سیکٹرزو یونٹ کمیٹیوں کے عہدیداران،کارکنان اور ہمدردوں کی کثیرتعدادشریک تھی اس موقع پرمعروف عالم دین مولانافیروزالدین رحمانی نے شہید انقلاب ڈاکٹرعمران فاروق سمیت تمام حق پرست شہداء کی مغفرت،ان کے درجات کی بلندی،لاپتہ کارکنان کی بحفاظت واپسی ،اسیروں کی رہائی،ایم کیوایم کی کامیابی،جانب الطاف حسین کے خلاف ہونے والی سازشوں کے خاتمے اوران کی صحت وتندرستی اوردرازی عمر کیلئے اجتماعی دعاکرائی ۔ کراچی کی طرح حیدرآبادسمیت اندرون سندھ تمام زونل دفاترجامشورو،ٹنڈو والہیار ، میر پور خاص ، عمر کوٹ،سانگھڑ،نواب شاہ،بدین، دادو، ٹھٹھہ، نوشہرو فیروز، خیر پور ،سکھر، گھوٹکی ، شکار پور،قمبرشہدادکوٹ،جیکب آباد، لاڑکانہ اسی طرح صوبہ پنجاب میں اپرپنجاب ، سینٹرل پنجاب، لوئر پنجاب ، صوبہ بلوچستان کوئٹہ اورنصیرآباد جبکہ خیبرپختونخواہ میں پشاور،ڈیرہ اسماعیل خان،مانسہرہ، ایبٹ آباداورمظفرآبادآزادکشمیرسمیت گلگت بلتستان میں قائم ایم کیو ایم صوبائی ،ضلعی اورزونل دفاترمیں بھی برسی کے اجتماعات منعقدکئے گئے جس میں شہیدانقلاب ڈاکٹر عمران فاروق سمیت تمام حق پرست شہداء کی مغفرت ،ان کے درجات کی بلندی ،سوگواران کے صبر جمیل سمیت قائدتحریک الطاف حسین کی درازی عمرصحت وتندرستی کے لئے خصوصی دعائیں مانگی گئیں۔علاوہ ازیں ایم کیوایم کی رابطہ کمیٹی کے ارکان اور فاروق احمدکے ہمراہ حق پرست مستعفی اراکین اسمبلی اور ایم کیوایم کے مختلف شعبہ جات کے ارکان نے شہداء قبرستان عزیز آبادجاکرشہیدانقلاب ڈاکٹرعمران فاروق سمیت تمام حق پرست شہداء کی قبروں پرحاضری دی ،قائدتحریک الطاف حسین کی جانب سے قبروں پرپھول چڑھائے اورفاتحہ خوانی کی۔ 


















تصاویر