آزادیء اظہار پر پابندیاں لگا کر پاکستان سے بتدریج جمہوریت کا بوریا بستر گول کیا جارہا ہے۔ ندیم نصرت

لندن ۔۔۔ 8 ستمبر 2015ء

متحدہ قومی موومنٹ کے سینئر ڈپٹی کنوینرندیم نصرت نے لاہورہائیکورٹ کی جانب سے قائدتحریک الطاف حسین کی تقاریراوربیانات نشر اورشائع کرنے پر اپنے ردعمل کااظہارکرتے ہوئے کہاہے کہ پاکستان میں آزادیء اظہارپرطرح طرح کی پابندیاں لگاکرملک سے بتدریج جمہوریت کابوریابسترگول کیا جارہا ہے ۔ اپنے ایک بیان میں انہوں نے کہاکہ قائدتحریک الطاف حسین پاکستان کی تیسری بڑی جماعت کے بانی وقائدہیں جنہیں کروڑوں عوام اپنارہبرورہنما تسلیم کرتے ہیں اورتمام تر ریاستی مظالم اورجبروستم کے باوجودوہ قائدتحریک الطاف حسین کاساتھ چھوڑنے کیلئے تیارنہیں ہیں ۔ جب تمام مظالم ، منفی اور زہریلے پروپیگنڈوں اورسازشوں کے باوجود عوام اورقائدتحریک الطاف حسین کارشتہ اورتعلق ختم نہ کیاجاسکاتوانہیں عوام سے دورکرنے کیلئے اب ان کی تقاریراوربیانات حتیٰ کہ تصاویرتک نشراورشائع کرنے پر پابندی لگادی گئی ہے جوسراسرغیرآئینی، غیرمنصفانہ ہے ۔ اس قسم کی پابندیوں کے ذریعے ہم سے آزادی اظہارکابنیادی حق تک سلب کیاجارہاہے ۔ ندیم نصرت نے کہاکہ یہ عجیب اورسنگین مذاق ہے کہ جومذہبی انتہاپسنددہشت گردریاست پاکستان ، اس کے آئین اورقانون کوماننے کیلئے تیارنہیں ، جوریاست پاکستان سے جنگ کررہے ہیں، جواقوام متحدہ کومطلوب ہیں ان دہشت گردوں اورمذہبی انتہاپسند عناصر کوتوپاکستان کے تمام شہروں میں کھلے عام جلسے جلوس، مظاہرے کرنے ، تقریریں کرنے اورہرطرح کی سرگرمیوں کی کھلی آزادی ہے لیکن قائدتحریک الطاف حسین جوپاکستان کے آئین وقانون کااحترام کرتے ہیں، جوپاکستان کودہشت گردی اورطالبانائزیشن سے نجات دلانے کیلئے ’’ ضرب عضب ‘‘ کی ہرسطح پر حمایت کررہے ہیں ان کی تقاریر،بیانات ، تصاویراورتمام سیاسی سرگرمیوں کی خبریں نشراورشائع کرنے پر پابندیاں لگادی گئی ہیں جوسراسرظلم ہے ۔ انہوں نے مزیدکہاکہ ایسی پابندیااورقدغن تومارشل لاء دورمیں بھی پاکستان میں نہیں لگائی گئیں۔ ندیم نصرت نے انسانی حقوق اورشہری آزادی پر یقین رکھنے والے تمام سیاسی رہنماؤں ،صحافیوں، دانشوروں اورسول سوسائٹی کوان آمرانہ پابندیوں کے خلاف آوازبلند کرنا چاہیے۔ انہوں نے انسانی حقوق کی ملکی اوربین الاقوامی تنظیموں سے بھی اپیل کی کہ وہ بھی ان پابندیوں کا نوٹس لیں۔