حکومت سندھ کی جانب سے رینجرزکوصرف کراچی میں آپریشن کااختیاردینا جانبدارانہ اورمتعصبانہ ہی نہیں بلکہ کراچی دشمنی پرمبنی ہے ۔رابطہ کمیٹی ایم کیوایم

کراچی: ۔۔۔10، جولائی 2015ء 

متحدہ قومی موومنٹ کی رابطہ کمیٹی نے حکومت سندھ کی جانب سے پورے سندھ کے بجائے صرف کراچی میں رینجرزکوآپریشن کے اختیارات دینے پرگہری تشویش کااظہارکیاہے۔ایک بیان میں رابطہ کمیٹی نے کہاکہ امن وامان کی صورتحال پورے سندھ میں خراب ہے لیکن حکومت سندھ کی جانب سے رینجرزکوصرف کراچی میںآپریشن کااختیاردیاگیاہے جوکہ انتہائی حیران کن اورباعث تشویش ہے۔رابطہ کمیٹی نے کہاکہ ہم سمجھتے ہیں کہ حکومت سندھ کایہ فیصلہ انتہائی جانبدارانہ اورمتعصبانہ ہی نہیں بلکہ کراچی دشمنی پرمبنی ہے اورصرف کراچی میں آپریشن کا اختیاردینے کا مقصد کراچی کے شہریوں بالخصوص ایم کیو ایم کے کارکنوں اورعوام کوٹارگٹڈایکشن کے نام پر ریاستی مظالم کانشانہ بنانے کاقانونی اختیار دینا ہے ۔ رابطہ کمیٹی نے کہاکہ حکومت سندھ نے رینجرز کو صرف کراچی میں آپریشن کااختیاردے کر ایک بارپھرکراچی کے شہریوں کویہ پیغام دیاہے کہ وہ آپریشن کے نام پر انہیں ریاستی مظالم کانشانہ بنائے رکھناچاہتی ہے ۔ رابطہ کمیٹی نے ایک بارپھرمطالبہ کیاکہ ایک اعلیٰ اختیاراتی مانیٹرنگ کمیٹی قائم کی جائے جسے انتظامی اختیارات کے ساتھ عدالتی اختیارات بھی دیئے جائیں اور ہائی کورٹ کے چیف جسٹس کی نگرانی میں کام کرے اوراس کمیٹی میں انصاف اورقانون اورمیڈیاکے شعبے سے تعلق رکھنے والے ایمانداراوراچھی شہرت رکھنے والے شہریوں کوشامل کیاجائے تاکہ وہ عام شہریوںیاایم کیوایم کارکنوں کے ساتھ ہونیو الے مظالم اورناانصافیوں اورزیادیتوں کافی الفورازالہ کرے اور جو سرکاری اہلکار ماورائے آئین اقدامات اورانسانی حقوق کی سنگین خلاف وزیوں کے مرتکب ہوں ان کے خلاف فوری قانونی چارہ جوئی کرے ۔