خدمت خلق فاؤنڈیشن کی جانب سے شدید گرمی کے سبب جاں بحق ہونیوالے افراد کی میتیں سرد خانے میں رکھنے کابلامعاوضہ انتظام کیا گیا ہے

شہریوں کو گرمی کے سبب پیدا ہونیوالی بیماریوں اور ڈی ہائیڈریشن سے بچانے کیلئے کے کے ایف کی امدادی سرگرمیاں جاری ہیں،کے کے ایف ترجمان

کراچی ۔۔۔22جون2015ء

ترجمان خدمت خلق فاؤنڈیشن نے کہا ہے کہ کراچی میں گزشتہ 4روز سے ریکارڈ توڑ گرمی ے شہریوں کے تحفظ اور گرمی کے سبب جاں بحق ہونیوالے افراد کی میتیوں کو سردخانوں میں محفوظ رکھنے کیلئے خدمت خلق فاؤنڈیشن کی جانب سے بلا معاوضہ انتظا م کیا گیاہے،اس سلسلے میں گرمی کی شدت سے جاں بحق ہونیوالے افراد کے کفن ، دفن کے انتظام کے سلسلے میں لواحقین سے کوئی معاوضہ نہیں لیا جارہاہے جبکہ خدمت خلق فاؤنڈیشن کی میت بسوں اور ایمبولینس کے ذریعے ایک جگہ سے دوسری جگہ لے جایا جارہاہے۔گزشتہ چوبیس گھنٹوں کے دوران خدمت خلق فاؤنڈیشن کی جانب سے شہر کے مختلف علاقوں میں موجود کے کے ایف سردخانوں میں میتیں رکھی گئی ہیں جن میں خدمت خلق فاؤنڈیشن کے یو پی موڑ پر قائم سردخانے میں 121افراد کی لاشیں ، اورنگی ٹاؤن سردخانے میں 25، لانڈھی میں 37،ملیر میں 78جبکہ پیر الہٰی بخش کالونی میں موجود خدمت خلق فاؤنڈیشن کے سردخانے میں 40افراد کی لاشوں کو لایا گیا ہے ۔واضح رہے کہ شدید گرمی میں وبائی بیماریوں اور ڈی ہائیڈریشن سے شہریوں کو بچانے کیلئے خدمت خلق فاؤنڈیشن کی ایمبولینس سروس کے ذریعے شہر کے مختلف علاقوں میں اوآر ایس تقسیم کرنے کا سلسلہ بھی جاری ہے