اے پی ایم ایس او نے ملک کے فرسودہ سیاسی نظام میں نئی روح پھونکی ،ڈاکٹر محمد فاروق ستاراے پی ایم ایس او ہی پاکستان کو بچائے گی اور بنائے گی

کراچی ۔۔۔11جون2015ء

ایم کیو ایم کی رابطہ کمیٹی کے رکن ڈاکٹر محمد فاروق ستار نے اے پی ایم ایس او کی 37ویں سالگرہ کے موقع پر جناب الطاف حسین اور ملک بھر کے طلبا و طالبات کو مبارک باد پیش کرتے ہوئے کہا کہ اے پی ایم ایس او نے ملک کے فرسودہ سیاسی نظام میں نئی روح پھونکی ،اے پی ایم ایس او ہی پاکستان کو بچائے گی بھی اور بنائے گی بھی ۔چےئرمین اے پی ایم ایس او محمد سرفرا ز صدیقی نے کہا کہ گزشتہ 37برسوں سے جناب الطاف حسین اپنے دئیے ہوئے نظریے کو غریب و محروم عوام میں پہنچا نے کیلئے آج بھی مشکلات اور تکالیف کا سامنہ کر رہے ہیں ،پیمرا نے جناب الطاف حسین کے پیغام حق پرستی کو پھیلنے سے روکنے کیلئے سازش کے تحت جناب الطاف حسین کے براہ راست خطاب پر پابندی لگائی لیکن اے پی ایم ایس او کا ایک ایک نوجوان پیمرا کے اس اقدام کو مسترد کرتا ہے اور اپنی آخری سانس تک جناب الطاف حسین کے پیغام کو گلی گلی پہنچا ئے گا۔وائس چیر مین علی مصطفےٰ نے کہا کہ جناب الطاف حسین نے 37سال قبل اے پی ایم ایس او کے نام سے طالبعلموں کے حقوق کی جدوجہد شروع کی تھی جس کی پاداش میں اس وقت کی سیاسی و طلبہ تنظیموں نے اس خوشگوار تبدیلی کو گوارا نہیں کیا اور اپنے ظلم و ستم سے اس تحریک کو ختم کرنے کی کوشش کی لیکن آج یہ تحریک اپنے 37سال مکمل کر رہی ہے۔اے پی ایم ایس او کی مرکزی جوائنٹ سیکریٹری مدرہمدانی نے کہا کہ اے پی ایم ایس او کے پاس وہ ٹیلنٹ موجود ہے جو قلم کے ذریعے پاکستان کی تقدیر بدلنے کا ہنر رکھتا ہے،انہوں نے کہاکہ ہم اپنے مخالفین کو محبت اور دلائل کی زبان سے شکست دیتے ہیں ۔انہوں نے کہاکہ اے پی ایم ایس او نے ایم کیو ایم کی بنیاد رکھی جو آج ملک کی ترقی کیلئے ایک اہم و با اثر کردا ر ادا کر رہی ہے۔انہوں نے نوجوان طلبا ء کو دعوت دی کہ وہ اے پی ایم ایس او کے پلیٹ فارم سے منسلک ہو کر ملک کی ترقی میں جناب الطاف حسین کی رہنمائی میں کردار ادا کریں۔