رکن سندھ اسمبلی ساجد قریشی اور انکے جواں سال بیٹے وقاص قریشی کے بہیمانہ قتل کے خلاف ایم کیوایم یوکے کے زیراہتمام کل بروزاتوارلندن میں برطانوی وزیراعظم کی رہائش گاہ 10ڈاؤننگ اسٹریٹ کے سامنے احتجاجی مظاہر ہ کیاجائے گا
احتجاجی مظاہرہ لندن کے مقامی وقت کے مطابق دوپہر2بجے ہوگا
ایم کیوایم یوکے کے کارکنان اور لندن اوربرطانیہ کے دیگرشہروں میں مقیم پاکستانی احتجاجی مظاہرے میں بھرپورتعدادمیں شرکت کریں اور دہشت گردی کے خلاف اپنے بھرپوراتحادکامظاہرہ کریں۔ڈاکٹرسلیم دانش
لندن ۔۔۔۔22جون 2013ء
کراچی میں مسلح دہشت گردوں کے ہاتھوں ایم کیوایم کے رکن سندھ اسمبلی ساجد قریشی اور انکے جواں سال بیٹے وقاص قریشی کے بہیمانہ قتل کے خلاف جاری احتجاج کے سلسلے میں ایم کیوایم یوکے کے زیراہتمام کل بروزاتوارلندن میں برطانوی وزیراعظم کی سرکاری رہائش گاہ 10ڈاؤننگ اسٹریٹ کے سامنے احتجاجی مظاہر ہ کیاجائے گا۔ یہ احتجاجی مظاہرہ لندن کے مقامی وقت کے مطابق دوپہر2بجے ہوگااوراس میں لندن اور برطانیہ کے دیگرشہروں سے تعلق رکھنے والے ایم کیوایم کے کارکنان اورہمدرد پاکستانی شرکت کریں گے۔ دریں اثناء ایم کیوایم یوکے کے آرگنائزر ڈاکٹرسلیم دانش اورآرگنائزنگ کمیٹی کے ارکان نے ایم کیوایم یوکے کے کارکنوں اور لندن اوربرطانیہ کے دیگرشہروں میں مقیم پاکستانیوں سے پر زوراپیل کی ہے کہ وہ اس احتجاجی مظاہرے میں بھرپور تعداد میں شرکت کریں اور دہشت گردی کے خلاف اپنے بھرپوراتحاد کا مظاہرہ کریں۔