ایم کیوایم نے جناح گراؤنڈعزیزآبادمیں ایک نیا ریکارڈ قائم کرلیا

کراچی ۔۔۔25، اپریل2015ء

متحدہ قومی موومنٹ کے زیراہتمام جناح گراؤنڈعزیزآبادمیں ایک نیا ریکارڈ قائم کیا گیا۔ ایک موقع پر پنڈال کی تمام لائٹس بند کردی گئیں اور جناح گراؤنڈ میں تاحد نگاہ موجود شرکاء نے اپنے اپنے موبائل فون کی ٹارچ آن کردیں جس پنڈال میں دور تک لاکھوں جگنوؤں کی ٹمٹماتی روشنی نے پورے ماحول پر سحر طاری کردیا، اس موقع پرپنڈال کے شرکاء نے موبائل فون کی روشنی کے ذریعہ پنڈال کے چاروں طرف خوبصورت منظر کشی کرکے ایک نیاریکارڈ قائم کردیا۔ اس موقع پر ایم کیوایم کی جانب سے آتش بازی کا شاندار مظاہرہ کیاگیا جس کے باعث آسمان پر ہرجگہ رنگ ونور پھیل گیا۔ آتش بازی کے شاندار مظاہرے کو شرکاء نے بے حد پسند کیا اور فلک شگاف نعرے لگاکر قائد تحریک جناب الطاف حسین سے والہانہ عقیدت ومحبت کااظہارکیا ۔