ایم کیوایم نارتھ ناظم آباد سیکٹر کمیٹی کے رکن عامر فاروقی شہید کو یاسین آباد کے شہداء قبرستان میں سپرد خاک کردیا گیا

کراچی ۔۔۔26، مئی 2013ء 

دہشت گردوں کی فائرنگ سے گزشتہ روز شہید ہونے والے ایم کیوایم نارتھ ناظم آباد سیکٹر کمیٹی کے رکن عامرفاروقی کو ہزاروں سوگواروں کی آہوں اور سسکیوں کے درمیان یاسین آباد کے شہداء قبرستان میں سپرد خاک کردیا گیا ۔شہید کی نما ز جنازہ نارتھ ناظم آباد بلاک Aمیں واقع جامعہ مسجد میں ادا کی گئی ۔ نما ز جنازہ اور تدفین میں ایم کیوایم کی عارضی رابطہ کمیٹی کے رکن سیف یار خان ، سابق اراکین رابطہ کمیٹی توصیف خانزادہ ، کیف الوریٰ ، نومنتخب حق پرست ارکان قومی اسمبلی ریحان ہاشمی ، شیخ صلاح الدین ، نومنتخب حق پرست ارکان صوبائی اسمبلی جمال احمد ، ساجد قریشی ، انور رضا ، ریحان ظفر ، خواجہ اظہار الحسن، ایم کیوایم نارتھ ناظم آباد سیکٹر کمیٹی کے اراکین ، یونٹوں کے ذمہ داران ، کارکنان ، ہمدردوں اور شہید کے عزیز و اقارب نے بہت بڑی تعداد میں شرکت کی ۔