سنگین جرائم کی بنیاد پر خارج کئے گئے افراد کو پارٹی میں واپس لیے جانے کا سوال ہی پیدا نہیں ہوتا، ایم کیوایم

لندن ۔۔23مئی 2013ء

متحدہ قومی موومنٹ کی عارضی رابطہ کمیٹی نے کہاہے کہ ایسے سینکڑوں سابق کارکنوں کی فون کالز موصول ہورہی ہیں جنہیں تنظیمی نظم وضبط کی خلاف ورزی پر پارٹی سے معطل یا خارج کر دیا گیا تھا لیکن اب وہ ہفتہ کو ہونے والے جنرل ورکرز اجلاس میں شریک ہونا چاہتے ہیں۔ایم کیوایم کے اعلامیئے کے مطابق عارضی رابطہ کمیٹی نے کہاکہ جن لوگوں کو سنگین جرائم میں ملوث ہونے کی بنیاد پر ایم کیوایم سے خارج کیا گیا تھا ان کو پارٹی میں واپس لیے جانے کا سوال ہی پیدا نہیں ہوتا ،تاہم جن ذمہ داروں اور کارکنوں کو پارٹی ڈسپلن کی معمولی خلاف ورزیوں پر معطل یا خارج کیا گیا تھا وہ پارٹی میں واپسی کی درخواست اپنے فون نمبر کے ساتھ براہ راست لندن فیکس کر سکتے ہیں جہاں موجود ذمہ داران انکی درخواستوں کا جائز ہ لیکر کوئی فیصلہ کر یں گے ۔