رینجرز اہلکاروں کہتا ہوں کہ اگرانہیں کوئی مطلوب ہے تو اسے گرفتار کریں لیکن خدارا ٹارچر نہیں کریں اور فیئر ٹرائل کریں ، الطاف حسین

کراچی ۔۔۔18، اپریل 2015ء 

متحدہ قومی موومنٹ کے قائد جناب الطاف حسین نے رینجرز اہلکاروں سے کہا ہے کہ اگر آپ کوئی مطلوب ہے تو اسے گرفتار کریں لیکن خدارا ٹارچر نہیں کریں ، فیئر ٹرائل کریں اور عدالت میں جرم ثابت ہوجائے تو سزا دیں آپ خود سزا دینے کا عمل نہ کریں ۔ وہ ہفتہ کی شب لیاقت آباد فلائی اوور پر انتخابی مہم کے سلسلے میں منعقد ہونے والے جلسہ کے شرکاء سے خطاب کررہے تھے ۔ جناب الطاف حسین نے کہا کہ پاکستان کی مسلح افواج ضرب عضب کے ذریعے طالبان ، داعش ، القاعدہ دہشت گردوں کے خلاف جان ہتھیلی پر رکھ کر لڑ رہی ہے ،جام شہادت نوش کررہی ہے اور دشمنوں کا صفایا کررہی ہے ، مسلح افواج کے تمام دستوں اور حق کی اس جنگ کو لڑنے والوں کیلے دعا کریں کہ اللہ تعالیٰ انہیں فتح و نصرت سے ہمکنار کرے۔