جو لوگ احترام انسانیت اور مذہبی رواداری جیسی سنت نبوی کو امریکہ کی غلامی سے تشیبح دے رہے ہیں وہ شاتم رسول اور انسانیت کے دشمن ہیں انہیں شرم آنی چاہیے۔ محمد اشفاق

لندن ۔۔۔۔ 5 مئی 2013ء

متحدہ قومی موومنٹ کی رابطہ کمیٹی کے رکن محمداشفاق نے کہاہے کہ ایک مذہبی جماعت کے امیرکی جانب سے تمام مسالک ،فقہوں اور مذاہب کااحترام کرنے والے اور احترام انسانیت پر یقین رکھنے والے لبرل اوراعتدال پسندلوگوں کو امریکہ کاحامی قرارد ینا سراسر زیادتی ہے ۔اپنے ایک بیان میں محمداشفاق نے کہاکہ اللہ تعالیٰ رب العالمین ہے اور اس کافرمان ہے کہ ایک انسان کاقتل پوری انسانیت کاقتل ہے، سرکاردوعالم ؐ رحمت اللعالمین ہیں ،انہوں نے احترام انسانیت کادرس دیا کہ ایک معصوم کاقتل پوری انسانیت کاقتل ہے، نبی کریم ؐ کی تعلیمات تویہ ہیں کہ ہرمظلوم کی مددکرو، ہر ایک کااحترام کرو چاہے کوئی بھی انسان ہو،چاہے اس کا فقہ، مسلک یامذہب کوئی بھی ہو،یہی تعلیم صحابہ کرامؓ اوربزرگان دین کی بھی ہے ،ہم احترام انسانیت کی بات کررہے ہیں اوراحترام انسانیت کی بات کرنے میں امریکہ کاکہاں سے آگیا؟ ہم تو احترام انسانیت کی بات کرکے نبی کریمؐ، صحابہ کرام ؓ اوربزرگان دین کی تعلیمات پر عمل کررہے ہیں،جولوگ احترام انسانیت اورمذہبی رواداری جیسی سنت نبوی کوامریکہ کی غلامی سے تشیبح دے رہے ہیں وہ شاتم رسول اورانسانیت کے دشمن ہیں انہیں شرم آنی چاہیے ۔