دھماکے اور وحشت وبربریت پاکستان کے پرامن اورنہتے عوام کے خلاف کھلی جارحیت ہے۔ الطاف حسین عزیزآبادمیں ایم کیوایم کے یونٹ آفس پر دہشت گردوں کے بم حملوں کی شدیدالفاظ میں مذمت

لندن ۔۔۔4 مئی 2013ء

متحدہ قومی موومنٹ کے قائد جناب الطا ف حسین نے عزیزآبادمیں ایم کیوایم کے یونٹ آفس پرسفاک دہشت گردوں کے دوبم حملوں کی شدیدالفاظ میں مذمت کی ہے اوردھماکے میں دوکارکنوں کی شہادت اورمتعددکے زخمی ہونے پر دلی افسوس کااظہارکیاہے۔اپنے بیان میں انہوں نے کہا کہ دھماکے اور وحشت وبربریت پاکستان کے پرامن اورنہتے عوام کے خلاف کھلی جارحیت ہے۔ دہشت گرد، اپنی نفرت اوروحشت میں پاگل درند ے بن چکے ہیں اوردھماکوں،گولیوں اوربارودکے ذریعے معصوم وبے گناہ عوام کے خون سے ہولی کھیل رہے ہیں۔انہوں نے کہاکہ اس وحشت و بربریت اورمعصوم وبے گناہ کارکنوں اورہمدردوں کے شہیدوزخمی ہونے پر میرادل خون کے آنسو رورہاہے۔انہوں نے کہاکہ دہشت گرد عناصر کی تمام تر دہشت گردیوں کے باوجودہمارے حوصلے پست نہیں ہوں گے۔ جناب الطاف حسین نے کہاکہ یہ امرانتہائی افسوسناک ہے کہ دہشت گرد عناصر تسلسل کے ساتھ دہشت گردی کی کارروائیاں کررہے ہیں لیکن حکومت وانتظامیہ اورسیکوریٹی فورسز کی جانب سے ان سفاک دہشت گردوں کے خلاف بھرپوراورمؤثرکارروائی نہیں کی جارہی ہے۔ انہوں نے کارکنوں سے کہاکہ وہ پرعزم رہیں اور ہمت وحوصلے کے ساتھ ا پنے فرائض جاری رکھیں۔انہوں نے عوام سے اپیل کی کہ وہ پرامن رہیں، اپنی صفوں میں اتحادرکھیں اورصبرکادامن ہاتھ سے نہ چھوڑیں، معصوم وبے گناہ انسانوں کے خون سے ہولی کھیلنے والے دہشت گرد اللہ کے عذاب سے ہرگزہرگزنہیں بچیں گے۔جناب الطاف حسین نے عوام سے ایک مرتبہ پھراپیل کی کہ وہ انتہائی محتاط اورچوکنارہیں، اپنے علاقوں میں آنے والی تمام مشکوک گاڑیوں اورمشتبہ افرادپر کڑی نظررکھیں اورکسی بھی مشتبہ سرگرمی کی اطلاع فوری طورپر پولیس وانتظامیہ کودیں۔جناب الطاف حسین نے دھماکو ں میں شہیدہونے والے ایم کیوایم کے کارکنوں کے لواحقین سے دلی تعزیت وہمدردی کااظہارکیا، دعاکی کہ اللہ تعالیٰ شہیدوں کواپنی جواررحمت میں جگہ دے اورلواحقین کوصبرجمیل عطاکرے۔انہوں نے دھماکے کے زخمیوں کی جلدصحتیابی کیلئے دعاکی ۔