ایم کیوایم کے زیراہتمام سابق چیئرمین عظیم احمد طارق شہید کی 20ویں برسی انتہائی عقیدت واحترام سے منائی گئی

کراچی۔۔۔یکم، مئی 2013ء

متحدہ قومی موومنٹ کے زیراہتمام ایم کیوایم کے سابق چیئرمین عظیم احمدطارق شہیدکی20ویں برسی انتہائی عقیدت واحترام سے لال قلعہ گراؤنڈ عزیز آباد میں منائی گئیں جس عظیم احمدطارق سمیت تمام حق پرست شہداء کی ارواح کے ایصال ثواب کیلئے قرآن خوانی وفاتحہ خوانی کی اورانہیں زبردست خراج عقیدت پیش کیا گیا۔ 20 برسی کے اجتماع میں ایم کیوایم کی رابطہ کمیٹی کے ارکان کنورخالدیونس،کنورنویدجمیل،نیک محمد،کیف الورایٰ،سلیم تاجک ، ایم کیوایم کے مختلف ونگزوشعبہ جات کے ارکان ، کراچی کے سیکٹرزویونٹس کمیٹیوں کے ذمہ داران ،کارکنان اورہمدردوں سمیت شہداء حق کے سوگوارلواحقین نے بڑی تعداد میں شرکت کی ۔اس موقع پرمولاناعابد جعفری نے خشوع و خضوع کے ساتھ فاتحہ خوانی کرائی اور سابق چےئر مین اعظم احمد طارق شہیدسمیت تمام حق پر ست شہداء کے مغفرت،ان کے درجات کی بلندی ، لواحقین کیلئے صبرجمیل، ایم کیوایم کے حق پر ستانہ اور انقلابی مشن و مقصد کی کامیابی ، ایم کیوایم کے خلاف سازشوں کے خاتمے اور قائد تحریک جناب الطاف حسین کی کی درازی عمر ، صحت وتندرستی کیلئے خصوصی دعائیں کی گئیں۔