صدر آصف علی زرداری نے کراچی میں پیپلز چورنگی پر بم حملے میں ایم کیوایم کے کارکنوں کی شہادت پر ایم کیوایم کے قائد الطاف حسین سے فون پر تعزیت کی

لندن۔۔24اپریل 2013ء

صدر مملکت جناب آصف علی زرداری نے کراچی میں پیپلز چورنگی پر بم حملے میں ایم کیوایم کے کارکنوں کی شہادت پر ایم کیوایم کے قائد جناب الطاف حسین نے فون پر تعزیت کی ہے ۔صدر مملکت نے ایم کیوایم کے جاں بحق ہونے والے کارکنوں کے ایصال ثواب کیلئے دعا بھی کی جس پر جناب الطاف حسین نے ان کا شکریہ دا کیا ۔دونوں رہنماؤ ں نے گفتگو کے دوان تازہ ترین ملکی صورتحال ،ملک میں بڑھتی ہوئی دہشت گردی کے واقعات اور آئندہ تما م انتخابات کے حوالے سے صورتحال پر تبادلہ خیال بھی کیا اور ایک دوسرے کی خیریت دریافت کی ۔گفتگوکے دوران صدر مملکت نے کہا کہ حالات کے پیش نظر اعتدال پسند اور روشن خیال قوتوں کے مابین اتحادم، اتفاق اور اتحاد ضروری ہے ۔ جناب الطاف حسین نے صدر مملکت کی بات سے اتفاق کر تے ہوئے کہا کہ اگر ملک کی روشن خیال اور اعتدال پسند قوتیں متحد نہ ہوئیں تو پھر خدا نخواستہ پاکستان کاحال بھی صومالیہ جیسانہ ہو ۔ انہوں نے مزید کہا کہ موجودہ صورتحال اس بات کی متقاضی ہے کہ صرف اعتدال پسند جماعتیں ہی متحد نہ ہوں بلکہ اس ضمن میں عوام بھی اپنا کر دار ادا کریں کیونکہ ماضی میں جہاں جہاں انتہاپسندوں کا قبضہ ہوا وہاں عوام ، خصوصاً خواتین کے ساتھ جو کچھ ہوا وہ تاریخ کی کتابوں میں محفوظ ہے ۔دونوں رہنماؤں نے گفتگو کے دوران اس عزم کا اظہار کیا کہ اعتدال پسند قوتوں کے درمیان کتنے ہی اختلافات کیوں نہ ہوں، لیکن انتہاپسند یہ نہ سمجھیں کہ وہ اس سے فائدہ اٹھا سکتے ہیں کیونکہ اعتدال پسند قوتیں ماضی میں بھی اپنے تما م تر اختلافات کے باوجود انتہا پسند وں کے خلاف قربانیاں دیتی رہی ہیں اور آئندہ بھی دیتی رہیں گی ۔