پی پی 209 پر نامزد حق پرست امیدوار راؤ محمد تسلیم کو کارکنان کے ہمراہ انتخابی دفتر جاتے ہوئے مقامی پولیس و انتظامیہ کی جانب سے ہراساں اور کارکنان کو کرگرفتار کرکے جھوٹی ایف آئی آر کاٹنے پر رابطہ کمیٹی رکن افتخار رندھاوا کا اظہار مذمت

کراچی ۔۔۔21، اپریل 2013ء

متحدہ قومی موومنٹ کے رکن افتخار اکبررندھاوا نے پنجاب اسمبلی کے صوبائی حلقہ  پی پی 209کی نشست پر نامزد حق پرست امیدوار راؤ محمد تسلیم کو کارکنان کے ہمراہ انتخابی دفتر جاتے ہوئے تھانہ کہروڑ سٹی میں مقامی پولیس و انتظامیہ کی جانب سے بلاجواز ہراساں کرنے اورکارکنان کو کرگرفتار کرکے جھوٹی ایف آئی آرکاٹنے کی سخت ترین الفاظ میں مذمت کی ہے۔ اپنے ایک مذمتی بیان میں انہوں نے کہا کہ انتخابی ضابطہ اخلاق کے مطابق ہر جماعت کے امیدوار کو انتخابی مہم چلانے کا آئینی و قانونی حق حاصل ہے تاہم پنجاب اسمبلی کے حلقہ PP-209میں تھانہ کہروڑ سٹی میں مقامی پولیس اور انتظامیہ کا ایم کیوایم کے نامزد امیدوار راؤ محمد تسلیم اور کارکنان کو ہراساں کرنا ، بلاجواز ایف آئی آر کاٹنا ، ایم کیوایم کے پرچم اور پتنگ کے ماڈلز قبضے میں لے لینا نہ صرف خلاف آئین و قانون ہے بلکہ انتخابی ضابطہ اخلاق کی کھلی خلاف ورزی بھی ہے جس کی جتنی بھی مذمت کی جائے وہ کم ہے ۔انہوں نے کہا کہ ایسا محسوس ہوتا ہے کہ ایم کیوایم کی جانب سے ملک بھر میں غریب ومتوسط طبقے سے تعلق رکھنے والے امیدواروں کی نامزدگی نے دو فیصد استحصالی عناصر کی نیندیں حرام کردی ہیں اور وہ عام انتخابات میں اپنی عبرتناک شکست کے خوف میں مبتلا ہوکر ایم کیوایم کو انتخابی عمل سے باہر رکھنے اور اسے انتخابی مہم چلانے کے آئینی و قانونی حق سے بھی محروم کردینا چاہتے ہیں ۔ افتخار اکبررندھاوا نے صدر مملکت آصف علی زرداری ، نگراں وزیراعظم میر ہزار خان کھوسو ، نگراں وفاقی وزیر داخلہ ملک حبیب اور نگراں وزیراعلیٰ پنجاب نجم سیٹھی سے مطالبہ کیا کہ PP-209کی نشست پر نامزد حق پرست امیدوار راؤ محمد تسلیم اور کارکنان کو انتخابی دفتر جاتے ہوئے مقامی پولیس اور انتظامیہ کی جانب سے ہراساں کرنے ، کارکنان کو بلاجواز گرفتار کرکے جھوٹی ایف آر کاٹنے کا فی الفور نوٹس لیاجائے، ایم کیوایم کے امیدواروں کو آزادانہ انتخابی سرگرمیوں سے روکنے کا غیر قانونی اور غیر آئینی عمل فی الفور بند کرایاجائے اور ایم کیوایم کے کارکنان کے خلاف کاٹی گئی جھوٹی ایف آئی آر فی الفور واپس لی جائے ۔