ایا ز میر کے کاغذات منظور کئے جانے کا فیصلہ انصاف اورحق کی فتح ہے ،رابطہ کمیٹی
الطاف حسین نے ایازامیرکے کاغذات نامزدگی مسترد کئے جانے کے خلاف حق پرستانہ مؤقف اختیار کیا۔الطاف حسین کے مضبوط دلائل کا زندگی کے تمام شعبوں سے تعلق رکھنے والے افراد نے نوٹس لیا۔
لندن ۔۔10اپریل 2013ء
متحد ہ قومی موومنٹ کی رابطہ کمیٹی نے مسلم لیگ ن کے رہنماء اورمعروف کالم نویس ایازا میر کے کاغذات نامزدگی منظور کئے جانا کا خیرمقدم کیا ہے اورایازامیرسمیت ملک بھرکے عوام کوحق کی فتح پر مبارکبا د پیش کی ہے ۔ایک بیان میں نے کہا کہ قائد تحریک جناب الطاف حسین پاکستان کے واحد رہنما ہیں جنہوں نے ایازامیرکے کاغذات نامزدگی مسترد کئے جانے کے خلاف حق پرستانہ مؤقف اختیار کیا اورایازامیر کے حق میں ٹھوس دلائل دیئے ۔رابطہ کمیٹی نے کہاکہ ایم کیوایم کے تمام کارکنان کو فخر ہے کہ قائد تحریک جناب الطاف حسین کے مضبوط دلائل کا زندگی کے تمام شعبوں سے تعلق رکھنے والے افراد نے نوٹس لیا اور جناب الطاف حسین کی آواز میں آواز ملائی جس پر رابطہ کمیٹی کے ارکان ان سب کا شکریہ ادا کرتے ہیں۔رابطہ کمیٹی نے ایازامیر کے کاغذات نامزدگی منظور کرنے والی بینج کے ارکان کا شکر ادا کرتے ہوئے کہا کہ یہ فیصلہ انصاف کی تاریخ میں خوش آئندہے ۔