اسٹیوٹا کی جانب سے کوہسار ٹیکنیکل کالج حیدر آباد کی نجکاری کے فیصلے پرچیر مین اے پی ایم ایس او کا اظہار تشویش
کوہسار ٹیکنیکل کالج کی نجکاری سے طلباء کی مشکلات میں اضافہ ہو گا، سرفراز احمد صدیقی
گورنر سندھ ،وزیر اعلیٰ اور صوبائی وزیر تعلیم اسٹیووٹا کی جانب سے کوہسار ٹیکنیکل کالج حیدرآباد کی نجکاری کا فوری نوٹس لیں
چیر مین اے پی ایم ایس او سرفراز احمد صدیقی و اراکین کا مطالبہ
کراچی ۔۔۔17فروری2015ء
آل پاکستان متحدہ اسٹوڈینٹس آرگنائزیشن کیچیر مین سرفراز احمد صدیقی و اراکین مرکزی کابینہ نے اسٹیووٹا کی جانب سے کوہسار ٹیکنیکل کالج حیدر آباد کی نجکاری کے فیصلے پر گہری تشویش کا اظہار کیا گیا ہے۔ایک مشترکہ بیان میں چےئر مین واراکین مرکزی کابینہ نے کہا کہ کوہسار ٹیکنیکل کالج کی نجکاری سے یہاں تعلیم حاصل کرنے والے طلبہ کی مشکلات میں اضافہ ہوجائے گا جبکہ دوسری جانب صوبے میں بسنے والے غریب و متوسط طبقے کے طالبعلموں کیلئے علم کا حصول بھی مشکل ہو جائے گا۔انہوں نے کہا کہ اسٹیوٹا کے اس اقدام سے 500سے زائد طالبعلموں کا مستقبل خدشات کا شکار ہو جائے گا ۔ انہوں نے گورنر سندھ ڈاکٹر عشرت العباد خان ،وزیر اعلیٰ سندھ سید قائم علی شاہ اور صوبائی وزیر تعلیم نثار کھوڑو سے مطالبہ کیا کہ وہ اسٹیووٹا کی جانب سے کوہسار ٹیکنیکل کالج حیدرآباد کی نجکاری کا فوری نوٹس لیکر طلبہ کے مستقبل کو تاریک ہونے سے بچائیں اور حیدر آباد شہر کے غریب و متوسط طبقے کے طلباء کیلئے علم کے حصول کو آسان بنائیں ۔