آل پاکستان مسلم لیگ یوتھ ونگ لاہورکے صدرسیدعمران رضاشمسی نے باقاعدہ ایم کیوایم میں شمولیت اختیارکرلی

کراچی:۔۔۔27؍مارچ2013ء 

آل پاکستان مسلم لیگ یوتھ ونگ لاہورکے صدرسیدعمران رضاشمسی نے ایم کیوایم کے قائدجناب الطاف حسین کی قیادت پرمکمل اعتمادکااظہارکیاہے اورایم کیوایم کی عملی جدوجہد اورپالیسیوں سے متاثرہوکرغیرمشروط طورپرایم کیوایم میں شمولیت اختیارکرلی ہے۔ایم کیوایم میں باقاعدہ شمولیت کااعلان انہوں نے خورشید بیگم سیکریٹریٹ عزیزآبادمیں ایم کیو ایم کی رابطہ کمیٹی کے ڈپٹی کنوینرڈاکٹرمحمدفاروق ستاراورسابق رکن قومی اسمبلی حیدرعباس رضوی سے ملاقات کے دوران کیا۔سیدعمران رضاشمسی نے اپنے خیالات کااظہارکرتے ہوئے کہاکہ ایم کیوایم میں ان کی شمولیت کسی جلدبازی کانتیجہ نہیں بلکہ انہوں نے کئی سال تک ایم کیوایم کے قائدجناب الطاف حسین کے خیالات ،بیانات اورخطابات کا بغور مشاہدہ کیاہے اورایم کیوایم کی جدوجہدکوانتہائی قریب سے دیکھاہے۔اس موقع پرڈاکٹرمحمدفاروق ستارنے ایم کیوایم میں شمولیت اختیارکرنے پرسید عمران رضاشمسی کادل کی گہرائیوں سے خیرمقدم کیا اور انہیں جناب الطاف حسین کی جانب سے مبارکبادپیش کرتے ہوئے کہاکہ قائدتحریک الطاف حسین کی قیادت میں ایم کیوایم کی جدوجہد کاقافلہ منزل کی جانب رواں دواں ہے اور لوگ جوق درجوق جناب الطاف حسین کے قافلے میں شامل ہورہے ہیں۔