ناروے کے فرسٹ سیکریٹری (پولیٹکس) جینیکی گریٹ رڈ (Ms.Jannicke Graatrud)اور کونسلر (پولیٹکس) وکڈس کلیستھ (Ms. Vigdis Kjleseth) کا وفد کے ہمراہ نائن زیرو کا دورہ

کراچی۔۔۔۔۔17مارچ، 2013ء

ناروے کے ڈپلومیٹ وفد نے جینیکی گریٹ رڈ (Ms.Jannicke Graatrud)اور کونسلر وکڈس کلیستھ (Ms. Vigdis Kjleseth) کے ہمراہ ایم کیو ایم کے مرکز نائن زیرو عزیز آباد کا دورہ کیا اور ایم کیو ایم رابطہ کمیٹی کے ڈپٹی کنوینرز ڈاکٹر فاروق ستار اور ڈاکٹر خالد مقبول صدیقی سے ملاقات کی، اس موقع پر ایم کیو ایم رابطہ کمیٹی کے رکن کنور خالد یونس اور سابق حق پرست رکن سندھ اسمبلی فیصل سبزواری بھی موجود تھے۔ ناروے کے نمائندہ وفد کی نائن زیرو آمد پر ایم کیو ایم رابطہ کمیٹی نے انہیں خوش آمدید کہا اور ان کی آمد کا خیرمقدم کیا۔ ملاقات میں ملک کی سیاسی، سماجی، معاشی و اقتصادی صورتحال سمیت ملک کے مختلف شہروں میں کالعدم تنظیموں کی انتہا پسندانہ اور دہشت گردانہ سرگرمیوں اور اس کے نتیجے میں امن و امان کی بگڑتی ہوئی صورتحال سمیت دیگر امور پر بھی تفصیلی گفتگو کی گئی۔