ملک کے مظلوم اور محکوم عوام کو انکے جائز حقوق کے فراہمی تک ہماری حق پرستانہ جدوجہد جاری رہے گی

کراچی:۔۔۔۔۔17مارچ، 2013ء

ملک کے مظلوم اور محکوم عوام کو انکے جائز حقوق کے فراہمی تک ہماری حق پرستانہ جدوجہد جاری رہے گی ۔ ان خیالات کا اظہار ایم کیو ایم رابطہ کمیٹی کے ڈپٹی کنوینر انیس احمد قائمخانی نے خورشید بیگم سیکریٹریٹ ، عزیز آباد میں کراچی مضافاتی آرگنائزنگ کمیٹی کے زیر اہتمام ایم کیو ایم کے 29ویں یوم تاسیس کے موقع پر ’’سجاگ‘‘ کی تقریب رونمائی سے اظہار خیال کرتے ہوئے کیا، اس موقع پر رابطہ کمیٹی کے ڈپٹی کنوینرز ڈاکٹر خالد مقبول صدیقی ، ڈاکٹر نصرت، اراکین رابطہ کمیٹی کنور نوید جمیل، واسع جلیل، کیف الوریٰ، کراچی مضافاتی آرگنائزنگ کمیٹی کے انچارج فرخ اعظم، جوائنٹ انچارج محمد سلیم جوکھیو اور اراکین کمیٹی بھی موجود تھے۔ انہوں نے کہا کہ ملک و قوم کی بقا، سلامتی و خوشحالی کیلئے ملک سے ’’اسٹیٹس کو‘‘ کا خاتمہ اشد اشد ضرورت ہے۔ سندھی مجلے ’’سجاگ‘‘ میں شائع مضامین میں قلمکار اور صاحب علم افراد نے ملک کے مظلوم ، محروم و محکوم عوام کے دلوں کی صحیح ترجمانی کی ہے۔ سندھی قلم کاروں نے قائد تحریک کی زندگی اور پاکستان کے 98فیصد مظلوم و محکوم عوام کے حقوق کے لئے کی جانے والی انکی عملی جدوجہد کو قلم بند کرکے سچے حق پرست پاکستانی ہونے کا ثبوت دیا ہے ۔ مجلہ سجاگ میں سندھ دھرتی کے قلمکاروں کی تحریروں کے ساتھ ساتھ ایم کیو ایم کے مختلف شعبہ جات کی سرگرمیوں کی دیدہ زیب تصویری جھلکیاں پیش کی گئیں ہیں ، سرورق پر سندھی ثقافت کی ترجمانی اور قائد تحریک جناب الطاف حسین کی دیدہ زیب تصویر کے عقب میں سندھ دھرتی کے عظیم صوفی شاعر شاہ عبدالطیف بھٹائی ؒ کے مزار کی شبیہ دی گئی ہے۔ انیس احمد قائمخانی نے اس عزم کا اعادہ کیا کہ ملک سے استحصالی قوتوں کی حکمرانی کا دورختم ہونے کو ہے، وہ دن دور نہیں کہ جب قائد اعظم ؒ کے وژن کے عین مطابق حق و انصاف پر مبنی معاشرے کا قیام عمل میں آئے گا اور یہی قائد تحریک جناب الطاف حسین کا بھی وژن ہے ، ہم سب اس مشن و مقصد کے حصول کیلئے قائد تحریک کے فکر و فلسفہ پر عمل کرکے ملک و قوم کو ترقی کی نئی شاہراہوں پر گامزن کراسکتے ہیں۔