لیاری گینگ وار کے دہشت گردوں کی فائرنگ سے ایم کیوایم کے ہمدروں محمد مدثر اور محمد فراز کے بہیمانہ قتل پر رابطہ کمیٹی کا اظہار مذمت

کراچی۔۔۔16مارچ 2013ء

متحدہ قومی موومنٹ کی رابطہ کمیٹی نے کراچی کے علاقے میٹھادر کپڑامارکیٹ میمن مسجد کے قریب لیاری گینگ وارکے دہشت گردوں کی فائرنگ سے ایم کیوایم کے ہمدروں محمد مدثر اور محمد فرازکے بہیمانہ قتل کی شدیدمذمت ہے او راس واقعہ کو شہر کا امن تباہ کرنے کی سازش قرار دیاہے ۔ رابطہ کمیٹی نے کہاکہ لیاری گینگ وار کے دہشت گردوں کی تمام تردہشت گردی کے باوجودانکے خلاف کوئی مربوط کارروائی نہیں کی گئی جسکے نتیجے میں ان دہشت گردوں کے حوصلے اتنے بلندہوچکے ہیں کہ وہ اب عام شہریوں، تاجروں، دکانداروں اورصنعتکاروں کے ساتھ ساتھ قانون نافذ کرنے والے ادارے کے اہلکاروں تک کوا پنی دہشت گردی کانشانہ بنارہے جس کی جتنی بھی مذمت کی جائے کم ہے۔ رابطہ کمیٹی نے شہداء کے اہل خانہ سے دلی تعزیت و ہمدردی اظہار کر تے ہوئے انہیں صبر کی تلقین کی۔رابطہ کمیٹی نے گورنر سندھ ڈاکٹر عشرت العباد اور وزیر اعلیٰ سندھ سید قائم علی شاہ سے مطالبہ کیا ہے وہ ایم کیوایم کے ہمدروں کے قتل کا نوٹس لیاجائے اور اس میں ملوث لیاری گینگ وار کے دہشت گردوں کو گرفتارکرکے قانون کے مطابق سخت سے سخت سزا دی جائے اور شہریوں کے جان ومال کے تحفظ کے لئے ٹھوس ومثبت اقدامات بروئے کارلائے جائے۔ انہوں نے زخمی ہونے افراد کے جلد ومکم صحت یابی کیلئے دعا کی۔