ایم کیو ایم رابطہ کمیٹی کا میر پور خاص میں ڈاکوؤں کی فائرنگ سے دو ایس ایچ اوز سمیت پانچ پولیس اہلکاروں کی شہادت اور متعدد اہلکاروں کے زخمی ہونے پر گہرے دکھ اور افسوس کا اظہار
رابطہ کمیٹی کا تمام شہداء اور زخمیوں کے اہل خانہ سے دلی تعزیت و ہمدردی کا اظہار،
شہداء کے درجات کی بلندی اورزخمیوں کی جلد و مکمل صحتیابی کیلئے دعا
حکومت شہید ہونے والے پولیس اہلکاروں کے اہل خانہ کے لئے فوری معاوضے کا اعلان کرے۔
کراچی ۔۔۔10جنوری2015ء
متحدہ قومی موومنٹ کی رابطہ کمیٹی نے میر پور خاص میں ڈاکوؤں سے مقابلہ کے دوران سندھ پولیس کے دو ایس ایچ اوز حسن علی عابدی اور واحد بخش لغاری سمیت پانچ پولیس اہلکاروں کی شہادت اور متعدد اہلکاروں کے زخمی ہونے پر گہرے دکھ اور افسوس کا اظہارکیاہے۔ایک بیان میں رابطہ کمیٹی نے تمام شہداء اور زخمیوں کے اہل خانہ سے دلی تعزیت و ہمدردی کا اظہار کرتے ہوئے حکومت سے مطالبہ کیا کہ شہید ہونے والے پولیس اہلکاروں کے اہل خانہ کے لئے فوری معاوضے کا اعلان کرے۔ رابطہ کمیٹی نے دعا کی ہے کہ اللہ تعالیٰ شہداء کے درجات بلند کرکے انہیں اپنی جوار رحمت میں جگہ عطا فرمائے اور زخمیوں کو جلد و مکمل صحتیابی عطا فرمائے ۔