ایم کیوا یم کے قائد جناب الطاف حسین کی کراچی سمیت ملک بھر کے مخیر حضرات سے ایک مرتبہ پھر ٹمبرمارکیٹ آتشزدگی کے متاثرین کی امدادکیلئے درمندانہ اپیل

لندن۔۔۔4جنوری2015ء

متحدہ قومی موومنٹ کے قائد جناب الطاف حسین نے کراچی سمیت ملک بھر کے مخیر حضرات سے ایک مرتبہ پھر دردمندانہ اپیل کی ہے کہ وہ آتشزدگی کے سبب راکھ کا ڈھیر بن جانے والی ٹمبر مارکیٹ اور ٹمبر مارکیٹ سے ملحقہ رہائشی علاقوں کے متاثرین کی بھر پور امداد کریں۔ اپنی اپیل میں جناب الطاف حسین نے کہا کہ ٹمبر مارکیٹ میں کچھ مکانات تو ایسے بھی ہیں جہاں کے مکینوں کے پاس آتشزدگی کے وقت صر ف وہی کپڑا بچا جو انکے تن پر تھاتاہم اس کے علاوہ انکا سب کچھ جل کر راکھ ہوگیا اور انکے پاس پہننے کو دوسرا جوڑا بھی نہیں ۔جناب الطاف حسین نے کہا کہ میں پھر ایک مرتبہ مخیر حضرات سے اپیل کرتا ہوں کہ و ہ پرانہ حاجی کیمپ ٹمبر مارکیٹ پر قائم ایم کیوا یم اور خدمت خلق فاؤنڈیشن کی جانب سے لگائے گئے امدادی کیمپ یا پھر بلاک 14فیڈرل بی ایریا میں واقع کے کے ایف کے مرکز پر ٹمبر مارکیٹ کے متاثرین کیلئے امدادی سامان ،خشک اجناس ،سردی سے بچاؤکیلئے کپڑے ، کھانے پینے کی اشیاء سمیت ضروریات زندگی کی دیگر اشیاء حسب توفیق جمع کروائیں یا وہ خود متاثرہ مقام پر جاکر جن لوگوں کی کفالت کر سکتے ہیں انکی کفالت کا از خود اہتمام کریں ۔انہوں نے کہا کہ جو مخیر شخص راکھ کا ڈھیر بنے ہوئے گھروں کو دوبارہ آباد کرنے میں متاثرین کی معاونت کرنا چاہے تو وہ خود لوگوں کے پاس جاکر ایک ایک گھر کی آبادکا ری کا ذمہ لے تو بہت آسانی سے ٹمبر مارکیٹ سانحہ متاثرین کی دوبارہ آبادکاری اور انکے رہنے کا ٹھکانا ہو سکتا ہے۔
وڈیو