عوام خصوصاً مخیر حضرات عباس ٹاؤن کے متاثرین کے لئے زیادہ سے زیادہ بستر، چادریں، کمبل، بچوں کے لئے دودھ اور کھانے پینے کا سامان پہنچائیں ، الطاف حسین کی اپیل
سانحہ عباس ٹاؤن میں بے گھر ہونے والوں کی مدد کرنا تما م پاکستانیوں کا انسانی ، مذہبی اور قومی فر یضہ ہے
سانحہ عباس ٹاؤن کے متاثرین کی امداد اس وقت تک جاری رکھیں جب تک ان متاثرین کی مستقل بحالی کا بندوبست نہیں ہوجاتا، الطاف حسین
لندن ۔۔4مارچ 2013
ایم کیوایم کے قائد جناب الطاف حسین نے مخیر حضرات سے اپیل کی ہے کہ وہ سانحہ ء عباس ٹاؤن میں بے گھر ہونے والے افراد کے لئے زیادہ سے زیادہ تعداد میں بستر ،چادریں ، کمبل بچوں کے لئے دودھ ، فیڈر اورکھانے پینے کا سامان پہنچائیں ۔انہوں نے کہا کہ دہشت گر دی کے اس بھیانک واقعہ میں سینکڑوں افراد بے گھر ہوگئے ہیں جن کی مدد کرنا تما م پاکستانیوں کا انسانی ، مذہبی اور قومی فر یضہ ہے ۔ جناب الطاف حسین نے متاثر ین کی امداد اور دیکھ بھال میں مصروف ایم کیوایم کے ذمہ داران سمیت تما م افراد کوخراج تحسین پیش کیا ہے جنہوں نے ان کی اپیل پر لبیک کہتے ہوئے متاثرین کو غذائی اجناس اور دیگر اشیاء پہنچائی ہیں ۔انہوں نے عوام خصوصاً مخیر حضرات سے اپیل کی ہے کہ وہ سانحہ عباس ٹاؤن کے متاثرین کی امداد اس وقت تک جاری رکھیں جب تک ان متاثرین کی مستقل بحالی کا بندو بست نہیں ہوجاتا ۔