سانحہ پشاور کے شہداء کی یاد میں ایم کیوایم کے مرکز نائن زیرو پر شمعیں روشن کی گئیں اور شہداء کو زبردست خراج عقیدت پیش کیا گیا
رابطہ کمیٹی کے انچارج قمر منصور و اراکین رابطہ کمیٹی، حق پرست اراکین قومی وصوبائی اسمبلی ، سیاسی جماعتوں کے وفود، علمائے کرام ، بزنس کمیونٹی کے نمائندگان اور مختلف شعبہ ہائے زندگی سے تعلق رکھنے والے افراد نے تقریب میں بڑی تعداد میں شرکت
کرکے شہداء کی یاد میں اپنے حصہ کی شمع روشن کی
سانحہ پشاور کے شہداء کی یاد میں منعقدہ تقریب میں فضا سوگوار تھی ، نائن زیرو اور اطراف کی گلیوں اور سڑکوں پر سانحہ پشاور کے سوگ میں سیاہ پرچم لہرائے گئے اور مذمتی بینرز آویزاں کئے گئے
تقریب کے شرکاء نے سانحہ پشاورکو دہشت گردی کا بد ترین واقعہ قرار دیا اور شہداء کے سوگوار لواحقین سے مکمل دلی یکجہتی کااظہاربھی کیا
حق پرست سینیٹر مولانا تنویر الحق تھانوی نے نائن زیرو پر سانحہ پشاور کے شہداء کے بلند درجات اور زخمیوں کی جلد صحت یابی کیلئے خشو ع و خضوع کے ساتھ دعا کرائی
کراچی ۔۔۔16، دسمبر2014ء