ایم کیوایم اقلیتی امور کمیٹی کے تحت کورنگی ٹاؤن سیکٹر 39/Cکرسچن ٹاؤن میں رکنیت سازی کا مرکزی کیمپ جاری ہے
رابطہ کمیٹی کے ارکان 22نومبر ہفتہ کو کرسچن ٹاؤن میں لگائے گئے رکنیت سازی کیمپ کا دورہ کریں گے
کراچی ۔۔۔21، نومبر2014ء
متحدہ قومی موومنٹ اقلیتی امور کمیٹی کے زیر اہتمام ’’کورنگی ٹاؤن ،سیکٹر 39/Cکرسچن ٹاؤن نزد وی آئی پی میرج ہال ‘‘کورنگی میں رکنیت سازی کا مرکزی کیمپ جاری ہے جہاں اقلیتی نوجوانوں، بزرگوں اور خواتین کا زبردست ہجوم دکھائی دے رہا ہے ۔ رکنیت سازی کیمپ سہ پہر 3بجے سے رات گئے تک جاری رہے گا جبکہ کیمپ کو برقی قمقموں ، جناب الطاف حسین کی تصاویر اور ایم کیوایم کے پرچموں سے سجایا گیا ہے ۔ رکنیت سازی کیمپ پر ایم کیوایم کے تنظیمی ترانے اور نغموں کی ریکارڈنگ بجائی جارہی ہے جس پر اقلیتی عوام والہانہ رقص کررہے ہیں ۔ دریں اثناء ایم کیوایم کی رابطہ کمیٹی کے اراکین 22نومبر ہفتہ کی شام 4بجے کورنگی ٹاؤن سیکٹر 39/Cکرسچن ٹاؤن میں لگائے گئے کیمپ کا دورہ کریں گے اور اقلیتی عوام کو ایم کیوایم میں بہت بڑ ی تعداد میں شمولیت پر جناب الطاف حسین کی جانب سے مبارکباد پیش کریں گے ۔