عائشہ منزل کے قریب اسلامک ریسرچ سینٹر امام بارگاہ پر خواتین کی مجلس کے دوران دستی بم حملے پر الطاف حسین کا اظہار مذمت

لندن: ۔۔۔28، اکتوبر2014ء

متحدہ قومی موومنٹ کے قائدجناب الطاف حسین نے عائشہ منزل کے قریب اسلامک ریسرچ سینٹرامام بارگاہ پرخواتین کی مجلس کے دوران دستی بم حملے کی شدید الفاظ میں مذمت کی ہے اوراس حملے کے نتیجے میں متعدد خواتین وبچوں کے شدیدزخمی ہونے پرگہری تشویش کااظہارکیاہے۔ ایک بیان میں جناب الطاف حسین نے کہاکہ خواتین کی مجلس پردستی بم حملہ انتہائی بزدلانہ عمل ہے جس کی جتنی مذمت کی جائے کم ہے۔جناب الطاف حسین نے کہا کہ درندہ صفت سفاک دہشت گردمحرم الحرام کے دوران امام بارگاہوں کونشانہ بناکر شہر میں فرقہ وارانہ فسادات کی آگ بھڑکانا چاہتے ہیں اوراسلامک ریسرچ سینٹر میں خواتین کی مجلس پربم سے حملہ بھی اسی سلسلے کی کڑی ہے۔جناب الطاف حسین نے علماء کرام اورمختلف مکاتب فکرسے تعلق رکھنے والے عوام خصوصاً شیعہ سنی عوام سے اپیل کی کہ وہ فرقہ وارانہ ہم آہنگی اوربھائی چارگی برقراررکھنے کے لئے اتحادکابھرپورمظاہرہ کریں اورایک دوسرے کا ساتھ دیتے ہوئے امام بارگاہوں اورمساجدکی حفاظت کرکے محرم الحرام کے دوران فرقہ وارانہ فسادات کی آگ بھڑکانے والی امن دشمن قوتوں کی سازشوں کوناکام بنادیں۔ جناب الطاف حسین نے بم حملے میں زخمی ہونے والی خواتین اورمعصوم بچوں و بچیوں سے دلی ہمدردی کااظہارکیااورحملے میں زخمی ہونے والی خواتین،معصوم بچوں اور بچیوں کی جلدو مکمل صحت یابی کے لئے دعاکی۔جناب الطاف حسین نے کہاکہ عزازداروں کوتحفظ فراہم کرنے کے لئے مستحسن اقدامات کیے جائیں تاکہ مظلوم کربلا کی یادبلاخوف وخطر مناسکیں۔انہوں نے مطالبہ کیاکہ اسلامک ریسرچ سینٹرپردستی بم حملے کافوری طورپرنوٹس لیاجائے اورذمہ دار عناصر کے خلاف سخت ترین کاروائی کی جائے۔