سندھ کے عوام کی اکثریت نے آج بھرپوراندازمیں یوم سیاہ مناکرنئے صوبوں کے قیام کے حق میں فیصلہ دیدیاہے۔الطاف حسین

لندن۔۔۔26 اکتوبر2014ء

متحدہ قومی مووومنٹ کے قائدجناب الطاف حسین نے کہاہے کہ سندھ کے عوام کی اکثریت نے آج بھرپوراندازمیں یوم سیاہ مناکرنئے انتظامی یونٹس یانئے صوبوں کے قیام کے حق میں فیصلہ دیدیاہے جس پر میں عوام کوزبردست خراج تحسین،مبارکباد اورسلام تحسین پیش کرتاہوں۔ انہوں نے یہ بات آج حیدرآبادمیں ایم کیوایم کے زونل آفس پر زونل کمیٹی کے ارکان ادر دیگرذمہ داروں سے گفتگوکرتے ہوئے کہی۔ جناب الطاف حسین نے کہاکہ پیپلزپارٹی کے متعصب جاگیرداروں اوروڈیروں نے اردوبولنے والے سندھیوں یعنی مہاجروں کوکبھی سندھی تسلیم نہیں کیا اوراس نے اس تعصب اورنفرت کی بنیاد 1973ء میں ر کھی۔پیپلزپارٹی اپنے آپ کوقومی جماعت کہلانے کے دعوے کرتی ہے لیکن تاریخ شاہد ہے کہ پیپلزپارٹی نے ہردورمیں پاکستان کارڈ نہیں بلکہ ہمیشہ سندھ کارڈاستعمال کیا۔ انہوں نے کہاکہ آج نہ صرف کراچی بلکہ حیدرآباد،سکھر، میرپورخاص، نوابشاہ ،سانگھڑ، ٹنڈوآدم ، ٹنڈوالہ یار، خیرپور، جیکب آباد، لاڑکانہ ،کشمورسمیت سندھ بھرکے تمام سندھی بولنے والے سندھیوں اوراردوبولنے والے سندھیوں یعنی مہاجروں نے ایم کیوایم کی اپیل پر پیپلزپارٹی کے ظلم کی حکمرانی اور نفرت و تعصب کے خلاف بھرپوریوم سیاہ مناکرفیصلہ سنادیاہے کہ اب سندھ اورپورے ملک میں نئے انتظامی یونٹس اورصوبوں کے قیام کی ضرورت ہے۔ جناب الطاف حسین نے کہاکہ بھرپوراورپرامن یوم سیاہ منانے پر میں کراچی سمیت سندھ بھرکے عوام نوجوانوں، ماؤں، بہنوں، بزرگوں اوربچوں کوخراج تحسین اورشاباش پیش کرتاہوں۔انہوں نے کہاکہ اب سندھی بولنے والوں اوراردوبولنے والوں یعنی مہاجروں کایہ متفقہ فیصلہ ہے کہ وہ ملکرصوبہ سندھ سے ظلم کافرسودہ ، جاگیردارانہ اور وڈیرانہ نظام اورکرپٹ کلچر کاخاتمہ کریں گے۔انہوں نے حیدرآباداوردیگرتمام زونوں کی زونل کمیٹیوں کے ارکان سے کہاکہ وہ اپنے اپنے علاقوں میں سندھی بولنے والوں اورتمام قومیتوں سے تعلق رکھنے والے عوام کایوم سیاہ میں ساتھ دینے پر بھرپورشکریہ اداکریں۔ انہوں نے یوم سیاہ میں کاروباراورٹرانسپورٹ ، پیٹرول پمپ اوردیگرکاروباری سرگرمیاں بندرکھنے اوریوم سیاہ کوکامیاب بنانے پر تمامٹرانسپورٹرز، تاجربرادری اورتمام شعبہ ء زندگی سے تعلق رکھنے والے افراد کابھی شکریہ اداکیا۔ جناب الطاف حسین نے یوم سیاہ کے موقع پر پرامن احتجاج میں حصہ لینے اورپرامن احتجاجی مظاہرے کرنے پر سندھ کے ساتھ ساتھ پنجاب ، بلوچستان، خیبرپختونخوا، گلگت بلتستان اورآزادکشمیر کے کارکنوں اورہمدردوں کوبھی زبردست خراج تحسین پیش کیا۔