سینٹرل جیل کراچی میں سرنگ کھودنے والے دہشت گردوں کے خلاف کاروائی پرایم کیوایم رابطہ کمیٹی کے اراکین کا قانون نافذکرنے والے اداروں کوخراج تحسین

لندن:۔۔15؍ اکتوبر 2014ء 

ایم کیوایم رابطہ کمیٹی کے اراکین محمدانور،محمداشفاق،طارق جاوید اورمصطفی عزیزآبادی نے طالبان پاکستان کی کراچی میں بڑھتی ہوئی دہشت گردی کی سرگرمیوں پرشدیدتشویش کا اظہار کرتے ہوئے قانون نافذکرنے والے اداروں کی بروقت مثبت کاروائی اورفوری اقدامات پرخراج تحسین پیش کیاہے۔رابطہ کمیٹی کے اراکین نے اپنے مشترکہ بیان میں کہا کہ متحدہ قومی موومنٹ کے قائدجناب الطاف حسین گذشتہ کئی برسوں سے طالبان کی سرگرمیوں اورخدشات کااظہارکرتے چلے آئے ہیں مگراس انتہائی اہم مسئلہ کوبیہودہ انداز میں کچرا سمجھ کرکچرے کے ڈھیرمیں ڈال دیاگیااورگذشتہ برسوں میں صوبائی اورمرکزی حکومتوں نے طالبان کی دہشت گردی کی یلغارکوروکنے کے لئے ذرہ برابربھی اقدامات نہیں کئے۔اس غفلت اورلاپروائی کانتیجہ گزشتہ روزافسوسناک خبرکی صورت میںآیاجب طالبان دہشت گردوں نے اپنے دہشت گردساتھیوں کی مددکے لئے جیل تک پہنچنے کے لئے سرنگ کھود رہے تھے اوراپنے ٹارگٹ سے صرف چندہی میٹردوررہ گئے تھے لیکن اللہ کاشکرہے کہ قانون نافذ کرنے والے اداروں کے جیالے حکام نے فوری کاروائی کرتے ہوئیدہشت گردی کے ایک بڑے حادثے سے بچالیا۔رابطہ کمیٹی کے اراکین نے قانون فافذکرنے والے ادارے کوکارروائی کرنے پرخراج تحسین بھی پیش کیا۔