ایم کیوا یم شعبہ خواتین کا امن کا نوبل انعام حاصل کرنے پر ملالہ یوسف زئی کو زبردست خراج تحسین

کراچی:۔۔۔۔11؍اکتوبر2014ء

متحدہ قومی موومنٹ کے شعبہ خواتین نے ملالہ یوسف زئی کو امن کا نوبل انعام ملنے پر زبردست خراجِ تحسین پیش کیاہے اور اس حوالے سے جناب الطاف حسین کے حوصلہ افزاء بیان کو سراہا ہے۔ ایم کیوایم شعبہ خواتین کے زیر اہتمام منعقدہ ہفتہ وار اجلاس میں ملالہ یوسف زئی کو خراج تحسین پیش کرتے ہوئے شعبہ خواتین کی انچارج و حق پرست رکن قومی اسمبلی کشورہ زہرہ، سینیٹر شیرالہ ملک اور رکن قومی اسمبلی ڈاکٹر نکہت شکیل نے اجلاس میں شریک خواتین کارکنان سے خطاب کرتے ہوئے کہا کہ جناب الطاف حسین نے ہمیشہ تعلیم کے حصول کی اہمیت پر ذور دیاہے اور خصوصی طور پر خواتین کو زیور تعلیم سے آراستہ ہونے کی اہمیت کو اجاگر کیا ہے اسی لیے وہ ملک سے دہرے تعلیمی نظام خاتمے کی کوششیں کر رہے ہیں اور اپنے کارکنان کو بھی حصول علم پر توجہ دینے کی تلقین کرتے رہے ہیں ۔انہوں نے کہاکہ ملالہ یوسف زئی کو ملک دشمن عناصر نے علم کی روشنی پھیلانے کی سزا دینے کی کوشش کی اور اس کی پاداش میں دہشتگردوں نے ملالہ یوسف زئی اور اس کی ہم جماعت طالبات کائنات او ر شازیہ کو اپنی بربیت کا نشانہ بنایا ۔ انہوں نے کہا کہ ہمیں کامل یقین ہے ملالہ یوسف زئی کو ملنے والا امن کا نوبل ایوارڈ دنیا بھر میں ان خواتین کیلئے حوصلہ افزائی ہے جنہیں بہ زورطاقت حق کا پیغام پہنچانے سے روکا جا رہا ہے ۔