سنڌي قوم پرست مهاجرن کي احتجاج جون ڌمڪيون ڏيڻ کان پاسو ڪن.ايم ڪيو ايم سنڌ تنظيمي ڪميٽي.
مهاجر سنڌ ڌرتي جي تقسيم نه ٿا چاهين پر نام نهاد قوم پرست تعصب وارو رويو اختيار ڪري مهاجرن کي سنڌ ڌرتي جي تقسيم ڏانهن ڌڪي رهيا آهن.
سنڌ ترقي پسند پارٽي جي قائم مقام چيئرمين جام عبدالفتح سميجو جي بيان تي ايم ڪيو ايم جي سنڌ تنظيمي ڪميٽي جو تبصرو.
ڪراچي؛ 14 سيپٽمبر؛2014
ايم ڪيو ايم جي سنڌ تنظيمي ڪميٽي جي ميمبرن چيو آهي ته نام نهاد قوم پرست سنڌ ڌرتي جي مهاجر پٽن کي احتجاج جون ڌمڪيون ڏيڻ کان پاسو ڪن. پنهنجي هڪ گڏيل بيان ۾ انهن سنڌ ترقي پسند پارٽي جي قائم مقام چيئرمين جام عبدالفتح سميجو جي بيان تي تبصرو ڪندي انهن چيو ته نام نهاد سنڌي قوم پرست سنڌ جي مهاجر وزير اعلٰي کي قبول ڪري ثابت ڪن ته سنڌ ۾ سالن کان رهندڙ سنڌ ڌرتي جا پٽ آهن. انهن چيو ته سنڌ ۾ رهندڙ مهاجر سنڌ ڌرتي جي تقسيم نه ٿا چاهين پر نام نهاد قوم پرست تعصب وارو رويو اختيار ڪري مهاجرن کي سنڌ ڌرتي جي تقسيم ڏانهن ڌڪي رهيا آهن. سنڌ تنظيمي ڪميٽي چيو ته سنڌ صوبي جي انتظامي بنيادن تي تقسيم جي حوالي سان قائد تحريڪ جناب الطاف حسين جو بيان حقيقتن تي ٻڌل آهي. جيڪڏهن نام نهاد قوم پرستن جي طرفان سنڌ ڌرتي جي ڪروڙين مهاجرن سان تعصب وارو رويو تبديل نه ڪيو ويو ته انتظامي بنيادن تي سنڌ ڌرتي جي تقسيم بلڪل فطري هوندي.
***