ايم ڪيو ايم جي ڪارڪن ۽ رابطا ڪميٽي جي ميمبر حيدعباس رضوي جي ڪوآرڊينيٽر سلمان ڪاظمي شهيد کي عزيز آباد جي قبرستان ۾ مٽي ماءُ حوالي ڪيو ويو.
ڪراچي؛11 سيپٽمبر؛2014
فيڊرل بي ايريا ۾ هٿيار بند دهشت گردن جي فائرنگ سان متحده قومي موومينٽ جي نوجوان ڪارڪن ۽ رابطا ڪميٽي جي ميمبر حيدرعباس رضوي جي ڪوآرڊينيٽر سلمان ڪاظمي شهيد کي سوين آلين اکين سان گڏ عزيز آباد جي شهداء قبرستان ۾ مٽي ماءُ حوالي ڪيو ويو.ان کان اڳ شهيد جي جنازي نماز مسجد خيرالعمل فيڊرل بي ايريا ۾ ادا ڪئي وئي. جنازي نماز ۽ تدفين ۾ رابطا ڪميٽي جي ميمبرن حيدرعباس رضوي، عامر خان، احمد سليم صديقي، ڪهف الورٰي، اسلم آفريدي. وسيم اختر، صوبائي وزيرن، اسيمبلين جي حق پرست ميمبرن، سيڪٽر ۽ يونٽ ڪميٽين جي ميمبرن ۽ ڪارڪنن کان علاوه شهيد جي مٽن مائٽن وڏي تعداد ۾ شرڪت ڪئي ۽ سلمان شهيد کي انهن جي تنظيمي خدمتن تي زبردست خراج عقيدت پيش ڪيو، انهن شهيد جي مغفرت ۽ انهن جي درجات جي بلندي جي لاءِ فاتحه خواني ڪئي ۽ سوگوار پونئرن جي لاءِ صبر جميل جي لاءِ دعائون به ڪيون.