سنڌ اسيمبلي جي حق پرست ميمبرن جي طرفان ڪراچي ۾ موٽر سائيڪل جي ڊبل سواري تي پابندي عائد ڪرڻ جي فيصلي جي سخت ترين لفظن ۾ مذمت.

            سنڌاسيمبلي جي حق پرست ميمبرن شهر ۾ ٿيندڙ قتل  و غارتگري جي واقعن کي جواز بڻائي ڪري ڪراچي ۾ موٽر سائيڪل جي ڊبل سواري تي پابندي عائد ڪرڻ جي فيصلي جي سخت ترين لفظن ۾ مذمت ڪئي آهي ۽ ان کي شهري حقن جي سراسر خلاف ورزي قرار ڏنو آهي. پنهنجي هڪ بيان ۾ انهن فرمايو ته سنڌ حڪومت شهر ۾ ٿيندڙ دهشت گردي جي وارداتن جي روڪٿام ۽ امن و امان جي صورتحال کي يقيني بڻائڻ جي ڪوششون ڪرڻ جي بجاءِ ڊبل سواري تي پابندي عائد ڪري ٻن ڪروڙن کان به وڌيڪ شهرين کي پريشاني ۾ مبتلا ڪري چڏيو آهي. انهن چيو ته اهو ڪٿان جو انصاف آهي ته پنهنجين ڪوتاهين تي پردو وجهڻ جي لاءِ عام ماڻهن جي مشڪلاتن ۾ وڌيڪ اضافو ڪيو پيو وڃي. ڪراچي شهر ۾ ٽرانسپورٽ جي ڪمي جي ڪري ماڻهو پهرين ئي بسن جي ڇتين ۽ گيٽن ۾ لڙڪي ڪري سفر ڪرڻ تي مجبور آهن جنهن کان بچڻ جي لاءِ عوام وڏي تعداد ۾ موٽر سائيڪل جي ڊبل سواري جو سفر ڪن ٿا.انهن گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته اهي ڪراچي ۾ موٽر سائيڪل جي ڊبل سواري تي عائد پابندي جي نوٽيفڪيشن کي معطل ڪن.

****