پاڪستان نيوي جي جهاز تي هٿياربند دهشت گردن جي طرفان حملي تي ايم ڪيو ايم جي قائد جناب الطاف حسين جي طرفان مذمت جو اظهار.

لنڊن؛ 9 سيپٽمبر؛2014

           متحده قومي موومينٽ جي قائد جناب الطاف حسين ڪراچي جي ويجهو سمنڊ ۾ لنگر انداز پاڪستان نيوي جي جهاز تي هٿيار بند دهشت گردن جي حملي جي سخت ترين لفظن ۾ مذمت ڪئي آهي ۽ دهشت گردن جي حملي ۾ نيوي جي آفيسر جي شهادت تي دلي افسوس جو اظهار ڪيو آهي.پنهنجي هڪ بيان ۾ انهن فرمايو ته نيوي جي جن آفيسرن ۽ جوانن حملي ڪندڙ دهشت گردن جو جهڙي طريقي سان جرتمندي سان مقابلو ڪيو، ان تي مان انهن کي خراج تحسين پيش ڪريان ٿو. انهن پاڪ فوج جي ٽنهي سربراهن کي مخاطب ڪندي فرمايو ته خدا جي واسطي ان ڳالھ کي نه وساريو ته جي ايڇ ڪيو، فضائيه جي ڪامراھ ايئربيس ۽ ڪراچي ۾ نيول بيس مهراڻ تي حملي ڪرڻ وارن دهشت گردن کي اندران مدد حاصل هئي.ان اندروني طور جي مدد کان سواءِ دهشت گرد حملو نه پيا ڪري سگهن.جناب الطاف حسين فرمايو ته هڪ مڇي پوري تلاھ کي گندو ڪري سگهي ٿي ته اهڙيون چند گنديون مڇيون تمام ادارن جي تباهي جو سبب به بڻجي سگهن ٿيون.ان جي ڪري پاڪ فوج جا سربراھ اهڙن ماڻهن سان نڀرڻ جي لاءِ زيرو ٽو ليرنس تي ٻڌل پاليسي بڻائي هر اداري ۾ اندريان صفائي جو پروگرام بڻائين، ڀلي ان ۾ ڪيتري وڏي کان وڏي قرباني به ڏيڻي ڇو نه پوي.