پنجاب ۾ برساتن ۽ سيلابي وهڪرن سان متاثر ٿيندڙ ماڻهن جي ڀرپور امداد جي لاءِ ايم ڪيو ايم جي فلاحي اداري خدمت خلق فائونڊيشن جي طرفان لاهور، راولپنڊي، فيصل آباد ۽ سيالڪوٽ ۾ امدادي ڪيمپ قائم ڪيا ويا آهن.
لاهور؛7 سيپٽمبر؛2014
متحده قومي موومينٽ جي فلاحي اداري خدمت خلق فائونڊيشن جي زير اهتمام پنجاب ۾ برساتن ۽ سيلابي وهڪرن سان متاثر ٿيندڙ ماڻهن جي ڀرپور امداد جي لاءِ لاهور، راولپنڊي ،فيصل آباد ۽ سيالڪوٽ ۾ امدادي ڪيمپ قائم ڪيا ويا آهن. اهي امدادي ڪيمپ لاهور ۾ پريس ڪلب جي ٻاهران، راولپنڊي ۾ ڪمرشل مارڪيٽ تي ، فيصل آباد ۾ جلوي مارڪيٽ تي ۽ سيالڪوٽ ۾ شاھ پور چوڪ ۾ ڪيمپ قائم ڪيا ويا آهن.امدادي ڪيمپن ۾ مخير حضرات ۽ عوام جي طرفان امدادي سامان جمع ڪرائڻ جو سلسلو شروع ٿي ويو آهي.ان موقعي تي مخير حضرات ڪي ڪي ايف جي طرفان امدادي ڪيمپون قائم ڪرڻ جي فيصلن کي ساراهيندي چيو ته هن ڏکئي وقت ۾ ايم ڪيو ايم جهڙي طريقي سان ڏکايل عوام جي خدمت ڪري رهي آهي اها ڳالھ تعريف جي لائق آهي ۽ ان تي جناب الطاف حسين زبردست خراج تحسين جا مستحق آهن.