جناب الطاف حسين جي طرفان سرگوڌا ۾ آستاني تي اڻ ڄاتل هٿياربندن جي طرفان فائرنگ ڪرڻ جي مذمت.
وزير اعظم ميان نواز شريف ۽ وفاقي وزير داخله ان افسوسناڪ واقعي ۾ ملوث وحشي دهشت گردن کي عبرتناڪ انجام تائين پهچائين.جناب الطاف حسين جو مطالبو.
لنڊن؛ 7 سيپٽمبر؛2014
متحده قومي موومينٽ جي قائد جناب الطاف حسين سرگوڌا ۾ محفل سماء جي دوران آستاني ۾ اندر گهري ڪري اڻ ڄاتل هٿياربندن جي فائرنگ سان آستاني جي متولي فضل قادري، محفل ۾ شريڪ ڊاڪٽر ايوب سميت حساس اداري جي اعلٰي آفيسر بريگيڊيئر فضل رباني جي قتل ۽ 6 ماڻهن جي زخمي ٿيڻ جي واقعي جي سخت ترين لفظن ۾ مذمت ڪئي آهي. پنهنجي هڪ مذمتي بيان ۾ جناب الطاف حسين فرمايو ته آستاني تي دهشت گردن جو حملو کليل دهشت گردي آهي جنهن جي جيتري به مذمت ڪئي وڃي اها گهٽ آهي.جناب الطاف حسين ان واقعي ۾ شهيد ٿيندڙ بريگيڊيئر فضل رباني سميت ٻين شهيدن جي تمام سوگوار پونئرن سان دلي تعزيت ۽ همدردي جو اظهار ڪندي دعا فرمائي ته الله تعالٰي فضل رباني سميت تمام شهيدن جا درجات بلند فرمائي ۽ سوگوارن کي اهو صدمو برداشت ڪرڻ جو حوصلو عطا فرمائي ۽ زخمين کي جلد و مڪمل صحتيابي عطا فرمائي.قائد تحريڪ جناب الطاف حسين وزير اعظم ميان نواز شريف ۽ وفاقي وزير داخله چوڌري نثار علي خان کان مطالبو ڪيو ته اهي ان افسوسناڪ واقعي جو نوٽس وٺن ۽ ان ۾ ملوث وحشي دهشت گردن کي عبرتناڪ انجام تائين پهچائين.
****